U Pieciarburhu z 30 kastryčnika pa 7 listapada ŭvodziacca abmiežavańni na pracu pradpryjemstvaŭ hramadskaha charčavańnia, roźničnaha handlu, abjektaŭ zabavy i volnaha času.
Pra heta paviedamlaje pres-słužba administracyi hubiernatara.
Pradpryjemstvy hramadskaha charčavańnia zmohuć pracavać tolki navynas i z dastaŭkaj (vyklučeńnie — hramadskaje charčavańnie na vakzałach, AZS, a taksama ŭ stałoŭkach na pradpryjemstvach).
Abjekty roźničnaha handlu prypyniać pracu (za vyklučeńniem aptek i kram z tavarami pieršaj nieabchodnaści). Taksama časova prypyniać pracu sałony pryhažości, kaśmietyčnyja sałony, SPA-sałony, masažnyja sałony, salaryi.
Na čas łakdaŭnu zabaroniać pracu stamatałahičnych kabinietaŭ i klinik (za vyklučeńniem ekstrannaj dapamohi), fitnies-centraŭ, basiejnaŭ, kinateatraŭ, cyrkaŭ i kancertnych załaŭ.
Časova spyniajecca praca škoł.
Dla zasialeńnia ŭ haścinicu, pansijanaty, damy adpačynku treba mieć QR-kod abo PŁR-test.
Z 28 kastryčnika łakdaŭn abvieščany ŭ Maskvie, a Uładzimir Pucin padpisaŭ ukaz ab niepracoŭnych dniach u Rasii z 30 kastryčnika da 7 listapada z zachavańniem zarobku. Heta było zroblena dla «niedapuščeńnia dalejšaha raspaŭsiudžvańnia karanavirusnaj infiekcyi».
Kamientary