Hamielčanina Juryja Pracharenku nakiravali na prymusovaje psichijatryčnaje lačeńnie
Sud Savieckaha rajona Homiela 1 listapada vynies rašeńnie pa kryminalnaj spravie ŭ dačynieńni da Juryja Pracharenki, jakoha vinavaciać adrazu pa troch artykułach: art. 369 (abraza pradstaŭnika ŭłady), art. 391 (abraza sudździ abo narodnaha zasiedaciela) i art. 368 (abraza Łukašenki), piša spring96.org.
Pa spravie prachodziać 23 paciarpiełyja. Heta supracoŭniki orhanaŭ unutranych spraŭ, sudździ, prakurorskija rabotniki.
Sam abvinavačany ŭ sudzie pa-raniejšamu nie prysutničaje, svajaki kažuć, što małady čałaviek znachodzicca ŭ depresiŭnym stanie, u jaho zaŭvažanyja paničnyja ataki i psichasamatyčnyja parušeńni. Jamu treba nieadkładnaje miedyčnaje daśledavańnie i lačeńnie, adnak hetaje pytańnie tak chutka nie vyrašajecca.
Za čas źniavoleńnia ŭ SIZA Homiela Juryj pachudzieŭ bolš čym na 35 kiłahramaŭ.
Jahonym zakonnym pradstaŭnikom u sudzie vystupaje baćka — Siarhiej Pracharenka.
Siońnia sud pryniaŭ rašeńnie: pakolki Juryj Pracharenka maje psichičnaje rasstrojstva i nie moža ŭ dadzieny momant panieści pakarańnie, pryznačyć jamu prymusovyja miery biaśpieki i lačeńnia ŭ stacyjanary sa zvyčajnym nazirańniem da rašeńnia uračebna-kfalifikacyjnaj kamisijaj pryznać jaho zdarovym. albo chvorym.
U advarotnym vypadku sprava budzie spynienaja za terminam daŭniny.
Usie materyjały spravy i rečavyja dokazy zachoŭvać da rašeńnia kamisii. Da nakiravańnia na lačeńnie Pracharenka zastajecca pad vartaj.
Kamientary