«I heta praryŭ? Nu tady prabačcie». Što dumajuć pra zvanok Mierkiel Łukašenku ekśpierty i prostyja biełarusy
Alaksandr Łukašenka pahavaryŭ pa telefonie z v. a. kanclera Hiermanii Anhiełaj Mierkiel. Heta jaho pieršy kantakt ź jeŭrapiejskim lidaram z pačatku palityčnaha kryzisu ŭ krainie. Razmova tyčyłasia mihrantaŭ na miažy i ciahnułasia 50 chvilin. «NN» pahladzieła, jak traktujuć hety zvanok ekśpierty i zvyčajnyja biełarusy.
«Jeŭrasajuz kali i pryznaŭ Łukašenku niekim, to, chutčej, čałaviekam, jaki zdolny sam stvarać prablemy ŭ rehijonie»
Analityk, zasnavalnik «Mocnych navinaŭ» Piotr Kuźniacoŭ nie bačyć padstavy dla paničnych nastrojaŭ paśla telefonnaj razmovy Mierkiel i Łukašenki. Na jaho dumku, Jeŭrasajuz takim krokam prosta paćvierdziŭ, što kaštoŭnaść čałaviečaha žyćcia dla jaho ŭ pryjarytecie, i zrabiŭ heta vusnami pavažanaha lidara, jaki sychodzić, Mierkiel ciapier časova vykončvaje abaviazki kanclera FRH.
«Pry ŭsim pry hetym skłałasia situacyja, u jakoj Minsku treba rabić zvarotny krok — miač na jaho boku. Kali Jeŭropa ciapier znachodzicca ŭ situacyi «My pierastupili praź siabie, zrabili pieršy krok, što my jašče možam zrabić?», to Minsk u stanoviščy, kali
prosta praciah isnujučaj linii budzie vyhladać jak banalny šantaž žyćciami i zdaroŭjem žyvych ludziej.
Kali nie pačać rabić choć niešta kanstruktyŭnaje, novyja abmiežavańni i miery cisku praktyčna niepaźbiežnyja», —piša Kuźniacoŭ.
Nie raździalaje depresiŭnych nastrojaŭ u suviazi z tym, što zvanok paćvierdziŭ lehitymnaść Łukašenki, i palityčny analityk Arciom Šrajbman.
«Kazać pra pryznańnie Łukašenki tut, miakka kažučy, ranavata. Toje, što jon kantraluje situacyju ŭ Biełarusi i losy ludziej, jakija apynulisia na jaje terytoryi, nie asprečvaje navat štab Cichanoŭskaj. Zachad vyhladaŭ by niedarečna, ihnarujučy hetuju realnaść.
Jak i ŭ vypadku z Afhanistanam, dziela vyvazu ludziej z Kabuła daviałosia vieści dyjałoh z talibami.
Jeŭrasajuz kali i pryznaŭ Łukašenku niekim, to, chutčej, čałaviekam, jaki zdolny sam stvarać prablemy ŭ rehijonie i potym sam vyrašać hetyja prablemy», — piša Arciom Šrajbman.
Kohda Pompieo zvonił Łukašienko osvoboždať Šklarova, vsie było v poriadkie. A kohda Mierkiel zvonit, čtoby kurdy nie pozamierzali naśmierť, vsie počiemu-to napriahajutsia. Tohda, napomniu, Šklarov vyšieł, a pakiety sankcij vsie ravno posypaliś kak iz pakieta s pakietami
«Telefanavańnie Mierkiel nie było zaprašeńniem ad ES da dyjałohu»
Eks-kandydat u prezidenty, sustaršynia «Havary praŭdu» Andrej Dźmitryjeŭ tut łakaničny: «I heta praryŭ? Nu tady prabačcie»
Śviatłana Cichanoŭskaja vykazałasia nastupnym čynam: «Telefanavańnie Mierkiel nie było zaprašeńniem ad ES da dyjałohu. Bo ŭrad Hiermanii praciahvaje padtrymlivać piaty i raspracoŭvać šosty pakiet sankcyj suprać režymu».
Piśmieńnica Hanna Sieviaryniec jak zaŭždy pa-fiłasofsku padychodzić da padziej: «Kapitulacyja budzie nie tady, kali niechta niekamu patelefanuje. Kapitulacyja zdarycca tady, kali apošni čałaviek pierastanie vieryć».
Žurnalist Ihar Iljaš upeŭnieny: zvanok — heta tolki šaniec dla režymu vyjści z pamiežnaha kanfliktu, nie zhubiŭšy tvaru.
«Mihracyjny kryzis ładziŭsia z adnoj metaj — prymusić Jeŭropu pajści na sastupki ŭ pytańni sankcyj.
A pakul niama nijakich śviedčańniaŭ, što ŭ hetym pytańni jość choć maleńkaje prasoŭvańnie. Sankcyi nichto nie skasavaŭ — naadvarot, ministry zamiežnych spraŭ Jeŭrasajuza padtrymali pryniaćcie piataha pakieta.
I voś na hetym fonie v. a. kanclera Hiermanii telefanuje spadaru Łukašenku (źvierniem uvahu, što ŭ paviedamleńni pres-słužby Mierkiel jaho nazyvajuć prosta «Herr Lukaschenko») i kaža pra humanitarnuju situacyju na miažy», — kamientuje Ihar Ilaš.
«Nie mahu havaryć, no budziem ščytać, što načałsia działoh»
Biełarusy navat na drennyja padziei mohuć pahladzieć z humaram. Vyklučeńniem nie stała i hetaja situacyja. Pahladzieli, što jany pišuć u sacsietkach.
Vy kak-to stranno traktujetie etot zvonok.
Kohda oŝuŝałaś siła i bieznakazannosť, tohda trubku nie śnimali.
Tiepieŕ my znajem, kto za vsiem etim stoit! pic.twitter.com/6dcvXMaZ2E
Kamientary