U CRU papiaredzili Rasiju ab «nastupstvach», kali vyśvietlicca, što jana datyčnaja da zahadkavych incydentaŭ z amierykanskimi dypłamatami pa ŭsim śviecie, źviazanych z tak zvanym «havanskim sindromam», paviedamlaje The Washington Post sa spasyłkaj na krynicy.
Pavodle źviestak haziety, havorka pra heta išła padčas vizitu dyrektara CRU Uiljama Biornsa ŭ Maskvu ŭ listapadzie, a taksama jaho sustreč z kiraŭnictvam FSB i SZR. Biorns skazaŭ, što pryčynieńnie amierykanskim słužačym i členam ich siemjaŭ surjoznych paškodžańniaŭ mozhu vychodzić za ramki dapuščalnaha dla «prafiesijnaj raźviedki».
Hazieta piša, što papiaredžańnie Biornsa nie było pramym abvinavačvańniem. Toj fakt, što dyrektar CRU vykarystaŭ słova «kali», kaža ab niazdolnaści ŭładaŭ dakładna vyznačyć, chto staić za napadami na dziaržsłužačych ZŠA. Tym nie mienš pramoje papiaredžańnie Biornsa śviedčyć ab tym, što ŭ Vašynhtonie surjozna padazrajuć Maskvu ŭ datyčnaści.
Pra toje, što Rasija moža być datyčnaja da napadaŭ na amierykanskich dypłamataŭ, Biorns kazaŭ jašče ŭ lipieni. Adnak tady jon admoviŭsia rabić jakija-niebudź vysnovy, udakładniŭšy tolki, što havorka idzie pra «paru socień» vypadkaŭ prajaŭleńnia «havanskaha sindromu» z 2016 hoda.
U Maskvie abvierhli abvinavačvańni.
Upieršyniu dziŭnyja simptomy supracoŭniki dypmisij ZŠA, CRU i vajskoŭcy adčuli ŭ 2016 hodzie na Kubie i ŭ 2017 hodzie ŭ Kitai.
Jany skardzilisia na hałavakružeńnie, šum u hałavie, adčuvańnie vibracyi, prablemy sa zrokam. U Vašynhtonie śćviardžali, što heta moža pryvieści da straty pamiaci i inšych prablem sa zdaroŭjem. Paźniej takija vypadki adbyvalisia ŭ Aŭstryi, Niamieččynie, Sierbii.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary