Kałtovič: Spadziajomsia, što charčovaje embarha nie adčujuć pakupniki
Spadziajomsia, što charčovaje embarha nie adčujuć pakupniki. Takoje mierkavańnie žurnalistam vykazaŭ ministr handlu Uładzimir Kałtovič, piša BiełTA.
«Pryčyna pryniaćcia hetaj pastanovy — praciah sankcyjnaha cisku na Biełaruś, i, pa sutnaści, heta źjaŭlajecca vymušanaj mieraj. Na žal, nam davodzicca reahavać i sprabavać reahavać adekvatna. U hetaj suviazi paśla pryniaćcia piataha pakieta sankcyj uradam było pryniata takoje rašeńnie. Dastatkova šyroka praviedzienyja kansultacyi ź dziaržaŭnymi orhanami ab asobnych hrupach tavaraŭ, jakija ŭvoziacca z takich krain. Heta bolš za 20 hrup tavaraŭ. Tudy ŭvachodziać tavary, jakija vykarystoŭvajucca jak dla vytvorčaści, tak i dla realizacyi ŭ roźničnaj handlovaj sietcy», — raskazaŭ Uładzimir Kałtovič.
Uładzimir Kałtovič dadaŭ, što pastanovaj praduhledžany šerah vyklučeńniaŭ. «Dla čaho heta zroblena? U suviazi z tym, što my majem tavary krytyčnaha impartu ŭ hetym pieraliku, buduć stvoranyja kampiensacyjnyja miechanizmy pieraaryjentacyi pastaŭščykoŭ na inšyja krainy abo ŭvozu takich tavaraŭ z družalubnych krain. U hetaj suviazi my spadziajomsia, što hetyja miery nie adčujuć pakupniki. Akramia taho, jany nie raspaŭsiudžvajucca na tavary, uviezienyja dla asabistaha spažyvańnia, tavary, jakija vykarystoŭvajucca ŭ vytvorčaści lekavych srodkaŭ, dziciačaha charčavańnia, jakija realizujucca ŭ handlovaj sietcy dla dziciačaha charčavańnia i hetak dalej, — prakamientavaŭ ministr. — Tamu dumaju, što hetaja miera kropkavaja i vielmi kankretnaja. Kali kazać pra sumu, to Biełaruś za 9 miesiacaŭ impartavała bolš čym na $2 młrd charčavańnia. Paradku čverci tavaraŭ u hetym pieraliku».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary