Biełaruskaja kapusta i buraki padaraželi, a impartnyja apielsiny stali tańniejšymi
Nacyjanalny statystyčny kamitet apublikavaŭ danyja pa koštach za listapad. Niečakana akazałasia, što biełaruskija buraki i kapusta padaražali na 12,8%. I heta na pačatku śniežnia, paśla taho, jak uradžaj tolki-tolki sabrali. A voś impartnyja cytrusavyja patańnieli na 12,5%. Miž tym, ahułam harodnina padaražała na 3,8%, a frukty i sadavina patańnieli na 3,66%, pieradaje BiełTA.
Rejtynh padaražańnia harodniny za listapad vyhladaje tak:
- biełakačannaja kapusta — 12,79%,
- buraki — 9,9%,
- hrečka — 6,4%,
- śviežyja ahurki — 5,69%.
Miž tym cytrusavyja patańnieli na 12,5%, banany — na 6,81%, jabłyki — na 3,69%, sałodki pierac — na 2,6%, a morkva — na 2,47%.
Nie tak mocna, ale ŭsio ž padaražali ryba (+1,8%), małako i małočnyja pradukty (+0,12%), masa i miasapradukty (+0,94%), chleb i chlebabułačnyja vyraby (+0,51%).
Paabiedać u stałovaj stała daražej na 1,14%, u sietkach fastfudu — na 0,91%, u restaranach i kafe — na 0,71%.
Cyharety stali daražejšymi na 0,35%, ałkahol — na 0,4%.
Z pasłuh bolš za ŭsio vyraśli košty na ramont bytavych elektrapryboraŭ (+3,5%) i rytualnyja pasłuhi (+3,22%).
Čytajcie taksama:
«U miesiac na pradukty sychodzić kala 1000 rubloŭ». Paraŭnoŭvajem biełaruskija ceny z cenami ŭ susiednich krainach
«U miesiac na pradukty sychodzić kala 1000 rubloŭ». Paraŭnoŭvajem biełaruskija ceny z cenami ŭ susiednich krainach
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?10
Kamientary