Partyja kamunistaŭ macniejšaja, čym AHP, BNF i Ruch Za Svabodu + foty Julii Daraškievič
Pieramožcam 13-ha turniru pa futbole «Kubak Svabody» pamiaci Hienadzia Karpienki stała kamanda PKB.
Pieramožcam turniru pa futbole «Kubak Svabody» pamiaci Hienadzia Karpienki ŭpieršyniu stała kamanda Partyi kamunistaŭ Biełaruskaj (PKB).
13-y turnir «Kubak Svabody» prajšoŭ 1 žniŭnia na placoŭcy spartkompleksa pa vulicy Hamarnika ŭ Minsku. Pieramohu PKB zabiaśpiečyŭ varatar Siarhiej Kuprovič, jaki adbiŭ dva pienalci pry liku 1:1 u čas pajadynka z kamandaj Abjadnanaj hramadzianskaj partyi (AHP).
Druhoje miesca zaniała tradycyjna mocnaja kamanda AHP, treciaje — kamanda Partyi BNF, minułahodni pieramožca turniru.
Najlepšym hulcom turniru nazvany člen kamandy PKB Siarhiej Kancur,
najlepšym bambardziram — Dźmitryj Kraŭcevič (kamanda AHP), najlepšym varatarom — Alaksandr Sudnik (kamanda Partyi BNF).
Kamanda Ruchu za Svabodu, jakaja ŭdzielničała ŭ turniry ŭpieršyniu, atrymała admysłovy pryz Biełaruskaj asacyjacyi žurnalistaŭ «Trymajsia praŭdy» — za samuju sumlennuju hulniu.
Usiaho ŭdzielnikami turniru stali šeść kamand — Biełaruskaj asacyjacyi žurnalistaŭ, Partyi BNF, AHP, PKB, Ruchu za Svabodu i arhkamitetu pa stvareńni Biełaruskaj sacyjał-demakratyčnaj partyi («Svaboda»).
Kamientary