Učora pramilhnuła navina pra toje, što Łukašenka pa telefonie pahavaryŭ z prezidentam Izraila Icchakam Hiercaham. Padrabiaznaści razmovy viadomyja tolki ŭ ahulnych rysach: baki abmierkavali dvuchbakovyja adnosiny, a taksama kompleks humanitarnych pytańniaŭ i hrafik kantaktaŭ. Miž tym krynicy «Našaj Nivy» kažuć, što mahistralnaja zadača hetych kantaktaŭ — vyzvaleńnie advakatki Mai Rajten-Stol.
Prezident Izraila — heta pasada vyklučna z pradstaŭničymi funkcyjami. Ale, kali panazirać za aktyŭnaściu pradstaŭnikoŭ Izraila, vyjavicca, što va ŭmovach mižnarodnaj izalacyi režymu Alaksandra Łukašenki Izrail padtrymlivaje i nieabaviazkovyja kantakty.
Kštałtu sustrečy pasła Izraila z hienieralnym prakuroram Šviedam, na jakoj apošni raskazvaŭ pra rasśledavańnie «spravy ab hienacydzie».
U čym sprava?
«Reč nie ŭ tym, što pasłu nie siadzicca ŭ kabiniecie, a prezidentu niama z kim pahavaryć, — patłumačyła «Našaj Nivie» abaznanaja krynica. — Mahistralnaja zadača hetych kantaktaŭ — vyzvaleńnie advakatki Mai Rajten-Stol. Jana kryčyć pra svaje pakuty ŭ SIZA, a izrailskaja dziaržava maje za pryncyp dastavać svaich lubymi sposabami. Razmova Łukašenki i Hiercaha była pra advakatku, pra vysnovy kazać jašče rana».
Izrailskuju advakatku na pačatku listapada zatrymali ŭ minskim aeraporcie z 2,5 hrama marychuany, jakija jana, zhodna z receptam tamtejšaha doktara, vykarystoŭvała jak lek. U Biełarusi ž heta — kryminalnaje złačynstva.
Padobnaja historyja zdaryłasia ŭ 2019 hodzie ŭ Rasii. Tady ŭ tranzitnaj zonie aeraporta Šaramiećcieva zatrymali 26-hadovuju hramadzianku Izraila Naami Isachar, jana tam rabiła pierasadku pa šlachu z Deli ŭ Tel-Aviŭ. U jaje bahažy znajšli 9,6 hrama hašyšu.
Izrailskija ŚMI pisali, što Maskva była hatovaja pieradać Isachar izrailskim uładam u abmien na chakiera Alaksieja Burkova, zatrymanaha ŭ śniežni 2015 hoda ŭ aeraporcie Tel-Aviva pa zapycie ZŠA.
Svajaki izrailcianki navat źviartalisia ŭ sud z prašeńniem ab skasavańni ekstradycyi rasijanina ŭ ZŠA, nazyvajučy Isachar «dypłamatyčnym zakładnikam». U listapadzie 2019 hoda ŭłady Izraila pieradali Burkova amierykancam.
Dziaŭčynu ž paśla doŭhaha torhu vypuścili z Rasii tolki ŭ 2020-m.
Čytajcie taksama: Łukašenku navat paśla adstaŭki nie zmohuć sudzić? Pahladzieli prajekt novaj Kanstytucyi
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary