Ministr kultury: Bolš za 300 čałaviek z našych kalektyvaŭ «paprasili». I ja liču heta pravilnym
Vystupajučy na «dyjałohavaj placoŭcy» ŭ Stoŭbcach, ministr kultury Anatol Markievič pryznaŭ, što ŭ padnačalenaj jamu halinie pravodziacca maštabnyja kadravyja čystki pa ideałahičnych matyvach.
Ministr skazaŭ padčas vystupleńnia:
«Nie chavaju, što pravodzili i pravodzim surjoznuju pracu pa tych našych supracoŭnikach, rabotnikach, jakija zajmajuć destruktyŭnuju pazicyju. Majo hłybokaje pierakanańnie, što na dvuch kresłach znachodzicca nie atrymlivajecca. Heta niedapuščalna. Treba vyznačycca, u rešcie rešt.
Pa hetych mierkavańniach bolš za 300 čałaviek z našych kalektyvaŭ paprasili. I liču heta pravilnym. Rabotniki kultury pastajanna ŭzajemadziejničajuć ź ludźmi i šmat u čym farmirujuć hramadskuju dumku. Tamu nielha pavodzić siabie pa padvojnych standartach. Treba vyznačycca».
Prytym realny maštab ideałahičnych čystak moža być i bolšy, bo mnohich mahli zvalniać farmalna nie za palityku. Pavodle Markieviča:
«Pytańni aptymizacyi taksama nie novyja. Aptymizavana 1611 štatnych adzinak. Nikoha nie pryciskali, ale dzieści źviarali pazicyi».
Ź Ministerstva kultury zvolnili adkaznych za achovu spadčyny
Stała viadoma, za što zvolnili dyrektarku Muzieja Janki Kupały Alenu Laškovič
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki5
Kamientary