Vajavać z Ukrainaj — varjactva. Dziaržsakratar Blinkien źviarnuŭsia da hramadzian Rasii
Vajna z Ukrainaj biessensoŭnaja i pahražaje biaśpiecy Rasii. Ab hetym skazaŭ dziaržsakratar ZŠA Entani Blinkien na bryfinhu ŭ Hiermanii, źviarnuŭšysia da hramadzian Rasii.
«I kali b ja moh źviarnucca da ruskaha naroda, ja b skazaŭ jamu: vy zasłuhoŭvajecie žyć u biaśpiecy i hodna, jak i ŭsie ludzi va ŭsim śviecie, i nichto — ni Ukraina, ni Złučanyja Štaty, ni NATA abo jaho členy — nie imkniecca pastavić heta pad pahrozu. Ale što sapraŭdy pahražaje vašaj biaśpiecy, dyk heta biessensoŭnaja vajna z vašymi susiedziami va Ukrainie z usimi vynikajučymi z hetaha nastupstvami, pierš za ŭsio — dla maładych ludziej, jakija buduć ryzykavać ci navat addavać za heta svajo žyćcio», — zajaviŭ Blinkien.
Dziaržsakratar skazaŭ, što nielha dazvalać Rasii parušać pryncypy mižnarodnaha miru i biaśpieki, ustanoŭlenyja paśla dźviuch suśvietnych vojnaŭ i chałodnaj vajny.
«Dazvolić Rasii biespakarana parušać hetyja pryncypy aznačała b viarnuć nas usich nazad u značna bolš niebiaśpiečnyja i niestabilnyja časy», — padkreśliŭ Blinkien.
Jon adznačyŭ, što mienavita dziela abarony hetych pryncypaŭ ZŠA, sajuźniki i partniory ŭ Jeŭropie tak skancentravanyja na tym, što adbyvajecca va Ukrainie.
«Heta bolš, čym kanflikt pamiž dźviuma krainami. Heta bolš, čym Rasija i NATA. Heta kryzis z hłabalnymi nastupstvami, i jon patrabuje hłabalnaj uvahi i dziejańniaŭ», — zajaviŭ dziaržsakratar.
-
HUR pravioŭ novuju dyviersiju: abiastočyŭ abjekty rasijskaha VPK u Kalininhradzie
-
Iran zajaviŭ, što hatovy zaklučyć pahadnieńnie, jakoje harantuje adsutnaść u jaho jadziernaj zbroi, i patrabuje spynić Izrail
-
Častka iranskich rakiet iznoŭ prabiła «Žalezny ščyt» Izraila, adzin hmach razburany daščentu
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary