Kolki biełarusaŭ zarablaje mienš za 500 rubloŭ, a kolki bolš za 5000 rubloŭ
Kala 43% biełarusaŭ zarablajuć mienš za 1000 rubloŭ u miesiac. Heta vynikaje sa źviestak Biełstata ab raźmierkavańni kolkaści rabotnikaŭ pa pamiery naličanaha zarobku ŭ listapadzie 2021 hoda. Pry hetym siaredni zarobak u Biełarusi, pa aficyjnych danych, u hetym ža miesiacy pieravyšaŭ 1470 rubloŭ, piša Zerkalo.
Da 300 rubloŭ u listapadzie minułaha hoda atrymlivali 1,1% rabotnikaŭ, ad 300,1 da 400 rubloŭ — taksama 1,1%, ad 400,1 da 500 rubloŭ — 5,6%, ad 500,1 da 600 rubloŭ — 6,7%.
Zarobki ad 600,1 da 800 rubloŭ byli ŭ 14,4% rabotnikaŭ, ad 800,1 da 1000 rubloŭ — taksama ŭ 14,4%.
Ad 1000,1 da 1500 rubloŭ zarablali 28,7% rabotnikaŭ, ad 1500,1 da 2000 rubloŭ — 14,2%, ad 2000,1 da 5000 rubloŭ — 12,2%.
Pry hetym zarobkam bolš za 5000 rubloŭ u listapadzie minułaha hoda mahli pachvalicca 1,6% rabotnikaŭ.
Siaredni zarobak u listapadzie minułaha hoda skłaŭ 1 476,3 rubla. U paraŭnańni z kastryčnikam jon źniziŭsia na 2 rubli 60 kapiejek.
Kamientary