Va Ukrainie apublikavali VIDEA zatrymańnia sałdata, jaki siońnia ŭnačy rasstralaŭ tavaryšaŭ pa słužbie
Videa zatrymańnia nachvardziejca Arciemija Rabčuka vykłaŭ kiraŭnik Patrulnaj palicyi Jaŭhien Žukaŭ u siabie ŭ Fejsbuku.
Na videa bačna, što Rabčuka zatrymlivaje narad patrulnych. Čuvać, jak palicejskija kryčać złačyncu «Lažać!», zatrymlivajuć jaho, a taksama pieradajuć kaleham paviedamleńni pa racyi.
Žukaŭ adznačyŭ ryzyki, jakim padviarhalisia pravaachoŭniki, bo Rabčuk byŭ uzbrojeny aŭtamatam Kałašnikava.
Unačy 27 studzienia paśla 3-j hadziny nočy na terytoryi Paŭdniovaha mašynabudaŭničaha zavoda «Južmaš» u Dniapry adbyłasia trahiedyja. Vajskoviec Nacyjanalnaj hvardyi Ukrainy, sałdat terminovaj słužby 20-hadovy Arciemij Rabčuk padčas vydačy zbroi strełami z aŭtamata Kałašnikava rasstralaŭ vartu vajskoŭcaŭ Nachvardyi, paśla čaho razam sa zbrojaj uciok. U vyniku hetaha piać čałaviek zahinuli, a jašče piaciora atrymali ranieńni.
U Dziaržaŭnym biuro rasśledavańniaŭ śćviardžajuć, što Rabčuk sam zdaŭsia pravaachoŭnikam. Tam zajavili, što sałdat, znachodziačysia ŭ siale Podharadnoje, paprasiŭ žančynu patelefanavać u palicyju i paviedamić pra jaho miescaznachodžańnie.
Kamandujučy Nacyjanalnaj hvardyjaj Ukrainy Mikoła Bałan paśla hetaj trahiedyi padaŭ u adstaŭku.
Va ŭkrainskim Dniapry sałdat zabiŭ piać čałaviek i ŭciok
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu7
Kamientary