Fejkavyja videa z pakutami ruskamoŭnych. Raźviedka ZŠA rassakreciła płan mahčymaha ŭvarvańnia Rasii va Ukrainu
Kab pačać vajnu suprać Ukrainy, u jakaści sučasnaha «Hlajvica» Rasija moža stvaryć fejkavaje videa ab nastupstvach ataki, nibyta ažyćcioŭlenaj Ukrainaj na rasijskuju terytoryju abo na akupavanuju terytoryju na ŭschodzie Ukrainy. ZŠA ličać infarmacyju nastolki važnaj, što dla praduchileńnia takoha scenaru vyrašyli apublikavać jaje, paviedamlaje NYT.
Videa pavinna raskazvać ab «hienacydzie rasiejskamoŭnaha nasielnictva». Napad na Ukrainu mohuć sprabavać apraŭdać abaronaj takoha nasielnictva.
Zapłanavanaje videa raspracoŭvajuć vielmi staranna, kab stvaryć macniejšy efiekt. U im buduć jarkija detali, a taksama vialikaja kolkaść trupaŭ. Ludzi nibyta pamruć u vyniku vybuchaŭ padčas ataki. Taksama płanujuć pakazać razbureńni, padroblenuju ŭkrainskuju vajskovuju techniku, mahčyma, fejkavyja «dokazy» vykarystańnia tureckich dronaŭ. Taksama zadziejničajuć akcioraŭ, jakija syhrajuć ruskamoŭnych śviedak napadu.
Amierykanskija čynoŭniki nie skazali, chto mienavita ŭ Rasii płanavaŭ apieracyju, ale vysokapastaŭleny čynoŭnik administracyi Bajdena raspavioŭ, što «rasijskaja raźviedka ciesna ŭciahnutaja ŭ hetyja namahańni».
Choć i niezrazumieła, ci ŭchvalili hetuju apieracyju vyšejšyja rasijskija čyny, u ZŠA ŭpeŭnienyja, što jana surjozna razhladajecca. Rasiejcy, pa słovach NYT, užo znajšli trupy dla vykarystańnia ŭ videa, abmiarkoŭvali akcioraŭ, jakija syhrajuć śviedak, i zapłanavali, jak zrabić tak, kab vajennaja technika na videa vyhladała ŭkrainskaj albo nataŭskaj.
Anałahičnuju infarmacyju paviedamlaje The Washington Post.
WP udakładniaje, što hety płan źviazany ź inšymi zmovami, jakija byli raskrytyja zachodniaj raźviedkaj.
«Viadoma, usie jany źviazany, ale heta kankretnaja apieracyja, pryznačanaja dla stvareńnia patencyjnaj padstavy», — zajaviŭ adzin z amierykanskich čynoŭnikaŭ, jaki abaznany ŭ pytańni.
Čaho choča Rasija i jakim budzie vialikaje ŭvarvańnie RF va Ukrainu. Apublikavanyja scenary
David i Halijaf: paraŭnoŭvajem siły rasijskaj i ŭkrainskaj armij
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary