Kavezešnika ź Pinska buduć sudzić za žart-abrazu ŭ telehram-kanale
U Pinskim sudzie 7 lutaha pačniecca razhlad kryminalnaj spravy Vasila Kraŭčuka, jakoha abvinavačvajuć u abrazie milicyjanta.
Padstavaj dla razboru staŭ kamientaryj u telehram-kanale, piša «Miedyja-Paleśsie».
U śniežni 2020 hoda Vasil ubačyŭ u telehramie navinu pra toje, što ŭ adnoj biełaruskaj škole milicyjanier kryčała na dziaciej. Jon napisaŭ u kamientaryjach žart, jaki raniej hučaŭ na telebačańni ŭ prahramie KVZ. Heta byŭ pierafrazavany frahmient viadomaj dziciačaj pieśni «Pusť biehut nieuklužie» z multfilma pra Čaburašku i Krakadziła Hienu — častka prypievu hučała pa-inšamu.
Praz dva tydni supracoŭniki milicyi pryjechali ŭ kvateru maci Vasila, jakuju mužčyna dahladaje, bo jana pierasoŭvajecca na invalidnym vazku, advieźli jaho pa miescy pražyvańnia i praviali tam pieratrus. Praz dva tydni siłaviki znoŭ pryjechali ŭ kvateru maci abvinavačanaha i kanfiskavali stary smartfon.
U vyniku na Vasila zaviali kryminalnuju spravu za abrazu supracoŭnika milicyi. Jamu pahražaje da dvuch hadoŭ kałonii. Sam mužčyna zapeŭnivaje, što heta byŭ usiaho tolki žart.
Vasil — udzielnik Vyšejšaj ukrainskaj lihi KVZ, čempijon biełaruskaha KVZ u Pieršaj lizie, udzielnik Jeŭralihi i nieadnarazovy ŭdzielnik fiestyvalu KVZ u Sočy.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary