Biełaruski arnamient i partret Bykava. Biznes-centr ź niezvyčajnym dyzajnam adkryŭsia ŭ Baranavičach FOTY
Interjer histaryčnaha budynka pobač sa Starym parkam, jaki apošnija hady zajmała miascovaja telekampanija, atrymaŭ novaje žyćcio, piša Intex-press.by.
Zvonku stary budynak na Kamsamolskaj, u jakim na praciahu mnohich hadoŭ raźmiaščałasia Baranavickaja telekampanija, vyhladaje zvykła. Ale ŭnutry jon źmianiŭsia da niepaznavalnaści: choł sustrakaje jarkimi elemientami biełaruskaha nacyjanalnaha arnamienta na ścienach, paviercham vyšej raźmiaścilisia vialikija pano z partretami kłasikaŭ biełaruskaj litaratury — Vasila Bykava, Janki Kupały, Jakuba Kołasa, Elizy Ažeški.
Ideja pierapleści biełaruskuju kłasiku z sučasnym dyzajnam u interjery pryjšła ŭładalniku baranavickaha biznes-inkubatara Rusłanu Asadułajevu, jaki arandavaŭ hety budynak pad svoj novy navučalny biźnies-prajekt.
«Dziŭna, što ŭ nas nichto nie afarmlaje interjery ŭ padobnym styli, bo nam jość čym hanarycca! Asnoŭnaj zadačaj było sumiaścić sučasnaść i bahataje minułaje nacyjanalnaj biełaruskaj kultury, — raspaviadaje dyrektar biznes-centra. — My ŭzhadnili prajekt i stvaryli hety interjer razam z dyzajnieram. Pa-mojmu, u nas atrymałasia!»
U abnoŭlenym pamiaškańni, pa słovach Rusłana Asadułajeva, raźmieščanyja navučalnyja kłasy, u jakich buduć prachodzić roznyja majstar-kłasy dla budučych pradprymalnikaŭ horada.
Histaryčny budynak na vulicy Kamsamolskaj byŭ pabudavany ŭ 1938 hodzie, u im raźmiaščałasia Baranavickaja radyjostancyja. Architektar prajekta — varšaŭski śpiecyjalist Tadevuš Łobas. Heta ŭnikalny dla horada budynak u styli funkcyjanalizmu. Paśla vajny abstalavańnie radyjostancyi było pieradadzienaje ŭ Varšavu dla ŭznaŭleńnia radyjoviaščańnia.
Da pačatku 1990-ch u hetym budynku raźmiaščałasia radyjostancyja pastanoŭki pieraškod — «hłušyłka» zachodnich radyjopieradač, a paśla raspadu SSSR — telekampanija «Intex».
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary