Makron: Nastupnyja dni buduć vyrašalnymi dla Ukrainy, a niezaležnaść Biełarusi pavinna być zachavanaja
Emaniuel Makron, padsumoŭvajučy vyniki sustrečy z Uładzimiram Pucinym, zajaviŭ, što nastupnyja dni buduć vyrašalnymi ŭ pytańni deeskałacyi na rasijska-ŭkrainskim pamiežžy. Prezident Francyi vykazaŭ zdahadku, što sustreča z Pucinym u Maskvie 7 lutaha mieła peŭny prahres.
«Nastupnyja niekalki dzion buduć vyrašalnymi i zapatrabujuć intensiŭnych abmierkavańniaŭ, jakija my budziem pravodzić razam», — adkazaŭ Makron žurnalistam paśla viačery z Pucinym, paviedamlaje Unian sa spasyłkaj na Reuters.
Pucin zajaviŭ, što niekatoryja idei Makrona mohuć spravakavać kryzis:
«Šerah jaho idej, prapanoŭ, pra jakija, mabyć, jašče rana kazać, dumaju, całkam mohuć stać asnovaj našych budučych sumiesnych krokaŭ».
Makron znoŭ pahavoryć z Pucinym paśla sustrečy z ukrainskim kiraŭnictvam. Siońnia prezident Francyi naviedaje Kijeŭ.
Pry hetym Makron adznačyŭ, što niezaležnaść Ukrainy, Małdovy i Biełarusi, dzie Rasija pravodzić vajskovyja vučeńni, pavinna być zachavanaja, i što jon, u svaju čarhu, taksama ŭpeŭnieny ŭ prahresie.
«Razam… Ja ŭpeŭnieny, što my dasiahniem vyniku, navat kali heta budzie niaprosta», — adkazaŭ Makron.
Pucin, pa jaho słovach, nastojvaje na jurydyčnych abaviazacielstvach NATO i ZŠA adnosna nieŭstupleńnia Ukrainy ŭ Aljans, bo heta, pa jaho pierakanańni, moža pahražać nacbiaśpiecy krainy.
Padčas sustrečy z Makronam Pucin paćvierdziŭ, što patrabuje ad Kijeva vykanańnia Minskich pahadnieńniaŭ, majučy na ŭvazie vydaču «asablivaha statusu» Danbasu na ŭmovach Maskvy: «Inšaj alternatyvy prosta niama. U Kijevie to kažuć, što buduć vykonvać, to kažuć, što heta razburyć ich krainu. I prezident dziejučy niadaŭna zajaviŭ, što jamu nivodny punkt nie padabajecca z hetych Minskich pahadnieńniaŭ. Nu, padabajecca, nie padabajecca — ciarpi maja pryhažunia! Treba vykonvać».
Čytajcie taksama:
FT: Pucin i Makron damovilisia źnizić napružańnie vakoł Ukrainy, rasijskija vojski ź Biełarusi vyvieduć
Reuters pakazaŭ sa spadarožnika vojski ŭ Biełarusi la miažy z Ukrainaj FOTY
-
«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
-
Makron zajaviŭ pra techničnuju padrychtoŭku da dyjałohu z Pucinym
-
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary