Rasija paviedamiła, što «praduchiliła parušeńnie miažy dyviersijnaj hrupaj z Ukrainy»: zabityja piać čałaviek. Ukraina zajaviła, što heta fejk
U Minabarony Rasii śćviardžajuć, što rasijskija vajskoŭcy i pamiežniki nibyta «praduchilili parušeńnie miažy dyviersijna-raźviedvalnaj hrupaj z Ukrainy».
Paviedamlajecca ab zabojstvie piaciarych ukraincaŭ. Siarod rasijskich sałdat, pavodle paviedamleńnia, strat niama.
Taksama rasijanie paviedamlajuć ab «źniščeńni dźviuch BMP ŭkrainskaj armii, što pierasiekli rasijskuju miažu dla ekstranaj evakuacyi ŭkrainskaj dyviersijnaj hrupy».
Va Ukrainie zajavili, što paviedamleńni ab źniščeńni dyviersijna-raźviedvalnaj hrupy nie adpaviadajuć rečaisnaści. Pra heta paviedamiła ahienctva Reuters sa spasyłkaj na ŭkrainskich vajskoŭcaŭ.
«Ukrainskich vajskoŭcaŭ u Rastoŭskaj vobłaści niama», — havorycca ŭ paviedamleńni.
Paźniej kiraŭnik MZS Ukrainy Dźmitryj Kuleba zajaviŭ, što Ukraina nie napadała na Danieck i Łuhansk, nie pasyłała dyviersantaŭ i nie abstrelvała terytoryju Rasii ci KPP na miažy, nie ładziła dyviersij, a taksama nie płanuje padobnych dziejańniaŭ.
Raniej rasijskija ŚMI śćviardžali, što ŭkraincy abstralali rasijski punkt propusku kala rasijska-ŭkrainskaj miažy. Ukraina kateharyčna admoviła svoj udzieł u hetym.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary