Hramadstva

Na šviejcarskim rachunku «kašalka Łukašenki» znajšli $39 miljonaŭ. Aleksin: «Nie čytajcie!»

Mižnarodnaja arhanizacyja žurnalistaŭ-rasśledvalnikaŭ OCCRP apublikavała spravazdaču ab daśledavańni rachunkaŭ, adkrytych u šviejcarskim banku Credit Suisse. Infarmacyju pra ich daśledčyki atrymali ananimna, jana ŭklučaje źviestki pra rachunki ažno z 1940-ch hadoŭ. Siarod usiaho masivu znajšoŭsia i čałaviek ź Biełarusi — Alaksiej Aleksin, multymiljanier, jakoha ličać «kašalkom Łukašenki». 

Alaksiej Aleksin zajmajecca prodažam nafty i naftapraduktaŭ. A vieści taki biźnies u Biełarusi dazvalajuć ličanym pradprymalnikam. Akramia taho, jon pastaŭlaje cyharety, vałodaje pradpryjemstvam u miasapierapracoŭčaj halinie, viadzie hatelny biznes i inšyja.

Aleksinu naležyć sietka tytuniovych kijoskaŭ pad brendam «Tabakierka», a taksama kampanija «Enierha-Oił», jakaja vałodała ekskluziŭnym pravam pradavać IQOS u Biełarusi. 

Taksama Aleksin źjaŭlajecca adnym z saŭładalnikaŭ nacyjanalnaha łahistyčnaha apieratara «Bremina Hrup». Darečy, mienavita «Bremina Hrup» naležyć handlova-łahistyčny centr «Bruzhi», dzie da hetaha času znachodziacca mihranty. Taksama Aleksin da červienia minułaha hoda vałodaŭ i MTBankam. 

Što ž vyśvietlili žurnalisty-rasśledavalniki? Zhodna ź ich źviestkami, u Aleksina byŭ rachunak u Credit Suisse z 36 miljonami šviejcarskich frankaŭ na im, što prykładna roŭna 39 miljonam dołaraŭ. 

Niuans u tym, što rachunak byŭ adkryty ŭ 2012-m, a zakryty ŭ 2014-m.

U 2012 hodzie Aleksin byŭ adnym z asnoŭnych mieniedžaraŭ u «Trajple» Juryja Čyža, inšaha biznesoŭca, jakomu ŭ minułym prypisvali rolu «kašalka Alaksandra Łukašenki».

U toj ža hod, 23 sakavika, sam Juryj Čyž i jaho biznes-impieryja trapili pad jeŭrapiejskija sankcyi. Jość viersija, što hetyja $39 miljonaŭ mohuć naležać Juryju Čyžu, jaki moh vyvodzić hrošy z-pad udaru, pierapisvajučy ich na svaich mieniedžaraŭ. 

Aleksin hetuju viersiju dla «Našaj Nivy» nijak nie prakamientavaŭ. 

«Nu chaj pišuć… nie čytajcie! Mnie nastolki abyjakava ŭžo stała, što vy pra mianie pišacie… Vam nie nadakučyła jašče mianie pałaskać?» — skazaŭ nam Alaksiej Aleksin. 

Čytajcie taksama: 

Mašenski, Aleksin, Prakapienia. Nieviadomyja fakty pra biznesmienaŭ z TOP-10 novaha rejtynha

Kamientary

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Usie naviny →
Usie naviny

Były vice-premjer Rusy nazvaŭ Alasku ruskaj ziamloj18

Samit na Alascy: pazityŭny, niehatyŭny i inšyja scenary dla Ukrainy7

Siaredniaja cana mietra ŭ Minsku — 1754 dalary

Jak śpiecsłužby ZŠA rychtujuć sustreču Trampa i Pucina na Alascy1

Minčuk nie vieryŭ, što maci nie moža chadzić, i žorstka zabiŭ jaje. Rodnyja raniej užo vyklikali na jaho milicyju2

Palitźniavolenaja madel Vieranika Žałuboŭskaja vyjšła na svabodu

Paśpiachovaja top-madel žyvie ŭ biełaruskaj vioscy — z hanararaŭ ad Dior i Versace kupiła baćkam karovu8

Biełaruski dyzajnier staŭ suśvietna viadomym dziakujučy dziŭnym videa — ich hladziać dziasiatki miljonaŭ čałaviek25

U Minsku na školnym stadyjonie sieŭ viertalot1

bolš čytanych navin
bolš łajkanych navin

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić