Pakul ukrainski narod apłakvaje zabitych na vajnie ludziej, deputat Pałaty pradstaŭnikoŭ, staršynia Pastajannaj kamisii pa mižnarodnych spravach Andrej Savinych vykładvaje ŭ fejsbuk pazityŭnyja fota z paznakaj «u śviatočnym nastroi».
«Siońnia prahałasavaŭ na refierendumie, — piša Andrej Savinych. — Chočacca padkreślić — u škole panuje ŭračystaja i śviatočnaja atmaśfiera. Dzieci vystupajuć u faje, čytajuć vieršy. Vidać, što dla ich heta važna. Pierš za ŭsio dla ich, nie dla nas. Nam heta prosta pryjemna. Usio vydatna arhanizavana. Ja dumaju, što nam treba pierahledzieć praktyku hałasavańnia ŭ adzin dzień, chaj budzie niekalki dzion. Heta zručna dla vybarščykaŭ».
U kamientarach u Savinych pytajucca: jak vam być saŭdzielnikam vajny?
«Čas usio rasstavić pa svaich miescach. Starajciesia nie śpiašacca z acenkami, potym apyniecca, što kazali hłupstva», — byŭ adkaz deputata.
Ad pačatku vajny va Ukrainie deputat nie zrabiŭ anivodnaha dopisu z nahody ŭvarvańnia Rasii. Nie kamientavaŭ jon i zajavy ŭkrainskaha boku.
Treci dzień vajny va Ukrainie ANŁAJN
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary