Brytanija choča dać Ukrainie zienitnyja rakiety dla abarony ad rasijskich udaraŭ
Pra namier dać Ukrainie vysakachutkasnyja pieranosnyja zienitnyja rakiety Starstreak zajaviŭ ministr abarony Vialikabrytanii Bien Uoles, padkreśliŭšy, što hetyja rakiety padpadajuć pad vyznačeńnie abarončaj zbroi, paviedamlaje Reuters.
Ministr zajaviŭ brytanskim deputatam, što vielmi važna, kab Ukraina zachavała svaju zdolnaść lotać sama i adbivać rasijskija pavietranyja napady.
«U adkaz na ŭkrainskija zapyty ŭrad pryniaŭ rašeńnie razhledzieć pytańnie ab pradastaŭleńni vysakachutkasnych pieranosnych zienitnych rakiet Starstreak. My ličym, što hetaja sistema adpaviadaje vyznačeńniu abarončaj zbroi, ale jana dazvolić ukrainskim siłam lepš abaraniać svajo nieba», — padkreśliŭ ministr.
Uoles skazaŭ, što rašeńnie adnosna pastavak sistemaŭ u pryncypie pryniataje i ŭrad pracuje nad tym, jak dastavić ich va Ukrainu i navučyć ukrainskich vajskoŭcaŭ imi karystacca.
Kamientary