PVT źbiraje infarmacyju pra ajcišnikaŭ, jakija pakinuli Biełaruś paśla 24 lutaha
Park vysokich technałohij razasłaŭ listy kampanijam-rezidentam z patrabavańniem dać infarmacyju ab pakazčykach dziejnaści paśla 24 lutaha (dnia napadu Rasii na Ukrainu). U pryvatnaści, administracyju parka cikavić, kolki supracoŭnikaŭ źjechała za miažu, piša dev.by.
Kampanii pavinny zapoŭnić dasłanuju tablicu ŭžo da 15.00 18 sakavika i pieradać jaje ŭ adździeł manitorynhu dziejnaści rezidentaŭ. Ad ich patrabujuć paznačyć nastupnyja źviestki:
— kolkaść rabotnikaŭ na 31 studzienia i 17 sakavika;
— kolki štatnych supracoŭnikaŭ pracavali dystancyjna z-za miažy na 31 studzienia i 17 sakavika;
— kolki było zvolniena z 24 lutaha pa 17 sakavika, u tym liku kolki ludziej pieraviali ŭ zamiežnyja ofisy;
— kolki zvalnieńniaŭ čakajecca ŭ sakaviku-krasaviku, u tym liku ź pieravodam za miažu;
— zakazčyki ź jakich krain admovilisia ad supracoŭnictva;
— abjom niedaatrymanaj vyručki ad skasavanych i prypynienych kantraktaŭ z 24 lutaha, kolki jašče kantraktaŭ pad pahrozaj zryvu;
— kolki hrošaj niedapastupiła z-za prablem z bankaŭskimi płaciažami;
— jakaja zapazyčanaść pa zarpłacie, ci jość ryzyka niavypłaty ŭ sakaviku-krasaviku.
Nahadajem, raniej paviedamlałasia, što rezidenty PVT atrymali listy ad administracyi parka, u jakich paviedamlałasia pra toje, što rychtujecca prajekt pa źmienie ŭmoŭ pracy dla IT-kampanij.
Siarod prapanoŭ: adterminoŭka ad pryzyvu, maratoryj na ŭsie pravierki i kryminalnyja spravy ŭ IT pa ekanamičnych artykułach, źnižeńnie padachodnaha padatku da 9%, dapamoha dziaržavy kampanijam pa źniešniehandlovych płaciažach, dazvoł vykarystańnia kryptavaluty.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary