Ukrainskaja raźviedka: Rasijskaja elita razhladaje mahčymaść likvidacyi Pucina
U asiarodździ rasijskaj dziełavoj i palityčnaj elity farmujecca hrupa ŭpłyvovych asob, jakija vystupajuć suprać Uładzimira Pucina. Pra heta paviedamlaje ŭkrainskaja raźviedka i apisvaje mahčymyja scenaryi.
Hałoŭnaje upraŭleńnie raźviedki Minabarony Ukrainy piša, što meta hetaj hrupy niazhodnaj elity — jak maha chutčej adchilić Pucina ad ułady i adnavić ekanamičnyja suviazi z Zachadam, razburanyja z-za vajny va Ukrainie.
U jakaści pierajemnika Pucina jany razhladajuć dyrektara FSB Alaksandra Bortnikava. Cikava, što mienavita Bortnikaŭ niadaŭna trapiŭ u niamiłaść da Pucina. Aficyjnaja pryčyna apały kiraŭnika FSB — fatalnyja raźliki ŭ vajnie suprać Ukrainy.
«Bortnikaŭ i jaho viedamstva adkazvali za analiz staŭleńnia ŭkrainskaha nasielnictva i mahčymaściaŭ ukrainskaj armii.
Viadoma, što Bortnikaŭ i niekatoryja inšyja ŭpłyvovyja pradstaŭniki rasijskaj elity razhladajuć roznyja varyjanty adchileńnia Pucina ad ułady. U pryvatnaści, nie vyklučanaje atručeńnie, raptoŭnaje zachvorvańnie abo lubaja inšaja «vypadkovaść», — paviedamlaje ŭkrainskaja raźviedka.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary