Pavodziny kiraŭnika Čyrvonaha Kryža na sustrečy ź Siarhiejem Łaŭrovym ašałamili FOTY
Prezident Mižnarodnaha kamiteta Čyrvonaha Kryža Peter Maŭrer pryjechaŭ u Maskvu dla abmierkavańnia vajny va Ukrainie. Apublikavanyja fotazdymki sustrečy jaho z kiraŭnikom MZS Siarhiejem Łaŭrovym vyklikali abureńnie ŭ siecivie. Kiraŭnik arhanizacyi, jakuju i tak vinavaciać u nieefiektyŭnaści, vyhladaŭ na ich zanadta zadavolenym i zachoplenym svaim surazmoŭcam.
Ale heta nie ŭsio. Na sustrečy Łaŭroŭ i Maŭrer abmiarkoŭvali adkryćcio ŭ rasijskim Rastovie pradstaŭnictva Čyrvonaha kryža dla ŭkraincaŭ, što biahuć ad vajny.
Hetyja płany mižnarodnaj arhanizacyi vyhladajuć dzikimi na fonie paviedamleńniaŭ ukrainskaha boku ab prymusovym pierasialeńni ŭkraincaŭ z akupavanych terytoryj u Rasiju z prachodžańniem filtracyjnych łahieraŭ. Arhanizacyju abvinavačvajuć u faktyčnym spryjańni departacyi ŭkraincaŭ.
Arhanizacyja Čyrvonaha Kryža maje svaju aburalnuju historyju i ŭ Biełarusi. Jaje siabry rehularna ŭdzielničali ŭ falsifikacyi vybaraŭ u našaj krainie. Ciapier Biełaruskim pradstaŭnictvam ČK kiruje Dźmitryj Šaŭcoŭ, jaki ŭznačalvaŭ Minskuju haradskuju vybarčuju kamisiju pa vybarach prezidenta.
Pradstaŭniki Čyrvonaha Kryža, niahledziačy na ŭsie zakliki, nijak nie vykazalisia nakont katavańniaŭ palityčnych viaźniaŭ u biełaruskich turmach paśla vybaraŭ 2020 hoda.
Čyrvony Kryž pra adsutnaść tualetnaj papiery ŭ izalatarach: Ciapier u nas niama čaho pieradavać
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary