Hajdukievič: Niejki idyjot paraiŭ pierachodzić na biełaruskuju movu. Ale ruskaja zaŭsiody budzie rodnaj
Deputat Aleh Hajdukievič prakamientavaŭ u siabie ŭ Fejsbuku zvarot da biełarusaŭ lidara «Okieana Elzi» Śviatasłava Vakarčuka, dzie toj zaklikaŭ pierachodzić na biełaruskuju movu ŭ štodzionnym žyćci.
«Va Ukrainie niejki idyjot paraiŭ biełarusam masava pierachodzić na biełaruskuju movu i prybrać ruskuju! Zmahary padchapili.
Ruskaja mova zaŭsiody budzie dziaržaŭnaj movaj na terytoryi Biełarusi, zaŭsiody budzie rodnaj movaj, zaŭsiody budzie pavažanaja! Ja z honaram razmaŭlaŭ i budu razmaŭlać na ruskaj movie, jak i bolšaść biełarusaŭ. Rodnaj była i budzie nam i biełaruskaja mova», — piša Hajdukievič.
«Pieršy krok da ŭmacavańnia dziaržaŭnaści my zrabili mienavita ŭ siaredzinie 90-ch, kali zamacavali ruskuju movu dziaržaŭnaj i razhramili bandu Paźniakoŭ, Šareckich i inšych.
Zaklik da adnoj dziaržaŭnaj movy — heta zaklik da razvału dziaržavy. Dy i naš refierendum pastaviŭ u hetym pytańni kropku. Samyja strašnyja raskoły ŭ hramadstvie zaŭsiody pa nacyjanalnym, moŭnym, relihijnym pytańni. Usie samyja strašnyja vojny tolki z-za hetaha. My hetaha nie dapuścim», — pierakanany deputat.
U Rasii 28 sakavika ŭnieśli zakonaprajekt ab pryznańni suajčyńnikami ŭsich, chto vałodaje ruskaj movaj. Biełarusaŭ tudy adniasuć taksama.
Tak zvanaja abarona russkamoŭnaha nasielnictva stała abvieščanaj Pucinym pryčynaj dla aneksii Kryma Rasijaj u 2014 hodzie.
Čytajcie taksama:
Śviatasłaŭ Vakarčuk zaklikaŭ biełarusaŭ pierachodzić na biełaruskuju movu
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj35
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary