«Heta raściahnuty praces». Piaskoŭ prakamientavaŭ pieravod raźlikaŭ za haz u rasijskija rubli
Pres-sakratar Kramla Dźmitryj Piaskoŭ zajaviŭ, što pieravod raźlikaŭ za haz na rubli — praces nie imhnienny, a raściahnuty ŭ časie.
«Apłata i pastaŭki — heta raściahnuty pa časie praces. Heta ž nie značyć, što ŭsio, što zaŭtra budzie pastaŭlenaje, zaŭtra da viečara pavinna być apłačanaje (u rublach). Nie, tam bolš raściahnuty pa časie praces technałahična», — skazaŭ jon.
Čynoŭnik taksama prapanavaŭ dačakacca 31 sakavika — terminu vykanańnia daručeńnia Pucina ab źmienie pracesu apłaty za haz. Tady budzie zrazumieła, jak rasijski bok bačyć praces pieravodu raźlikaŭ za haz u rasijskija rubli.
Piaskoŭ dapuściŭ i prapracoŭku prapanovy staršyni Dziarždumy ab pieravodzie ŭ rubli raźlikaŭ za inšyja syravinnyja tavary z Rasii.
Na hetym tydni krainy «Vialikaj siamiorki», a za imi i ES admovilisia apłočvać enierharesursy ŭ rasijskich rublach. Jany ličać, što takoje patrabavańnie — parušeńnie kantraktaŭ, jakija zaklučanyja ŭ zamiežnaj valucie.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary