U «Našu Nivu» źviarnulisia ŭkraincy z Hastomiela, svajakoŭ jakich rasijanie ŭziali ŭ zakładniki i vyvieźli ŭ Biełaruś. Moža, vam niešta pra ich viadoma?
My atrymali paviedamleńnie ad ukraincaŭ, u jakim jany prosiać nas paspryjać pošuku svajakoŭ, mierkavana, vyviezienych rasijskimi vajskoŭcami ŭ Biełaruś.
Dźmitryj Juzak
Ludzi pišuć:
«Našych svajakoŭ uziali ŭ zakładniki na terytoryi Kijeŭskaj vobłaści (Hastomiel). Ich nie znajšli na miescy, i vialikaja vierahodnaść, što vyvieźli ŭ Biełaruś. Kali łaska, dapamažycie znajści!
Hardzijčuk Aleh Viktaravič, 01.11.1964
Juzak Dźmitryj Uładzimiravič 09.04.1999».
Aleh Hardzijčuk
Voś što pišuć ukraincy ŭ svaim zvarocie: «Kali pačałasia vajna, 24 lutaha, Aleh Viktaravič z žonkaj, svaim baćkam (82 hady) i synam žonki (Juzak Dźmitryj Uładzimiravič) nie stali pakidać svoj dom u Hastomieli. Jany zastavalisia tam i pa mahčymaści dapamahali paciarpiełym ludziam padčas bajavych dziejańniaŭ. Sa słoŭ žonki, 20 sakavika rasijskija vajskoŭcy pryjšli da ich dadomu i zabrali Aleha i Dźmitryja ŭ pałon. Z taho času ad ich nie było viestak. Ciapier Hastomiel deakupavany i tam viaducca raboty pa ačyščeńni horada. Usie adkaznyja słužby pastaŭlenyja ŭ viadomaść, što Aleh i Dzima źnikli. Ale na dadzieny momant ni ich ciełaŭ, ni śladoŭ nie znojdziena. Viadoma, što častka pałonnych vyvoziłasia ŭ napramku Biełarusi pry adstupleńni rasijskich vojskaŭ, tamu ŭ nas jość padstavy mierkavać, što Aleha ź Dzimam vyvieźli».
Kamientary