90% žycharoŭ, jakija zahinuli ŭ Bučy za čas vajny, byli zastrelenyja, zajaviŭ mer Anatol Fiedaruk u intervju DW.
Pa jaho słovach, da 6 krasavika znojdziena 320 ciełaŭ zabitych mirnych žycharoŭ. «Praktyčna 90 adsotkaŭ — heta kulavyja ranieńni, a nie askiepkavyja».
Fiedaruk skazaŭ, što kolkaść vyjaŭlenych ciełaŭ raście z kožnym dniom, bo «ich vyjaŭlajuć u pryvatnych siadzibach, parkach, skvierach, dzie miełasia mahčymaść, kali nie było abstrełaŭ, prykapać cieły».
U pasiołku znojdzienyja try miescy masavych pachavańniaŭ: terytoryja pradpryjemstva «Ukrahrasnab», dzie rasijskija vojski «skidali, jak drovy, cieły ludziej z zaviazanymi rukami». Taksama, pa słovach mera, masavyja pachavańni jość na vulicach Vakzalnaja, Jabłunskaja i ŭ dziciačym łahiery «Pramianisty», dzie znajšli ludziej z zaviazanymi rukami i kulavymi adtulinami.
«U Bučy było 50 tysiač haradžan. Usiaho ŭ hramadzie, kudy ŭvachodziać i navakolnyja vioski, — 67 tysiač čałaviek. Na siońnia ŭ Bučy žyvuć 3 700 čałaviek, ale hetaja kolkaść patrochu raście, bo viartajucca śpiecyjalisty pa krytyčnaj infrastruktury», — kaža Anatol Fiedaruk.
Pa padlikach śpiecyjalistaŭ, u pasiołku «razburanyja i nie padlahajuć adnaŭleńniu» 112 pryvatnych damoŭ, jašče kala sotni paškodžanyja. 18 šmatkvaternych damoŭ padvierhlisia abstrełam i pavyharali, dva ź ich nie padlahajuć adnaŭleńniu.
Ciapier čytajuć
Represii razhaniajucca ci zapavolvajucca? Davajcie ličyć8
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary