U Minabarony Rasii admaŭlajuć dačynieńnie da abstrełu Kramatorska. I «Točki-U» ŭ ich nibyta niama. Ale prapahandysty znoŭ «spalilisia»
«Usie zajavy pradstaŭnikoŭ Kijeŭskaha nacyjanalistyčnaha režymu ab nibyta ździejśnienaj Rasijaj 8 krasavika rakietnaj atacy pa čyhunačnym vakzale ŭ horadzie Kramatorsk zjaŭlajucca pravakacyjaj i absalutna nie adpaviadajuć rečaisnaści», — śćviardžaje rasijskaje viedamstva.
U rasijskim Minabarony adrapartavali, što «Točka-U», abłomki jakoj vyjaŭlenyja ŭ rajonie vakzała, nibyta «prymianiajecca tolki ukrainskimi ŭzbrojenymi siłami».
Ale heta dakładna nie tak.
Pa-pieršaje, padčas vučeńniaŭ «Sajuznaja rašučaść — 2022» taktyčny rakietny kompleks «Točka-U» ažyćciaŭlaŭ bajavyja puski na ŭčastku miascovaści «Paleski».
Rakietčyki tady «nanieśli hrupavy rakietny ŭdar pa celi, jakaja znachodzicca na addaleńni zvyš za 70 kiłamietraŭ. Za dziejańniami vajskoŭcaŭ naziraŭ ministr abarony Biełarusi hienierał-lejtenant Viktar Chrenin», paviedamili ŭ pres-słužbie Minabarony.
Videa apublikavała «Vajen-TV».
Pa-druhoje, 5 sakavika rasijskija komleksy bačyli pry transparciroŭcy ŭ Biełarusi. Videa apublikavaŭ kanał «Biełaruski Hajun».
Na nastupny dzień rasśledavalniki z Conflict Intelligence Team paćvierdzili vykarystańnie «Točki-U» zamiest «Iskanderaŭ».
Narešcie, siońnia znoŭ «spalilisia» rasijskija prapahandysty. Da źjaŭleńnia videa achviaraŭ z Kramatorska jany pisali pra źniščeńnie VSU ŭ hetym horadzie. Paźniej dopisy stali vydalać.
Siońnia rakietami byŭ atakavany čyhunačny vakzał Kramatorska. Na vakzale znachodzilisia tysiačy ludziej, jany čakali evakuacyjnych ciahnikoŭ. Jak minimum 30 čałaviek zahinuli, bolš za 100 byli paranienyja. Na adnoj z rakiet zachavaŭsia nadpis pa-rusku «Za dziaciej». Ofis Zialenskaha paviedamiŭ, što ŭdar byŭ naniesieny «Točkoj-U». Heta rakietny kompleks savieckaj raspracoŭki.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary