Kali hetyja płany realizujucca, Finlandyja stanie krainaj z samaj praciahłaj (1340 km) ahulnaj miažoj z Rasijaj siarod členaŭ NATA, a Šviecyja ŭpieršyniu za 200 hadoŭ ustupić u vajenny sajuz.
Paśla rasijskaj ahresii suprać Ukrainy Finlandyja i Šviecyja płanujuć ustupić u NATO ŭžo letam, piša «Bi-bi-si».
Kali hetyja płany realizujucca, Finlandyja stanie krainaj z samaj praciahłaj (1340 km) ahulnaj miažoj z Rasijaj siarod členaŭ NATA, jana prachodzić prykładna za 200 km ad Sankt-Pieciarburha. I Finlandyja, i Šviecyja taksama majuć praciahłuju bierahavuju liniju i šmatlikija astravy ŭ Bałtyjskim mory.
Šviecyja bolš za 200 hadoŭ nie ŭstupała ni ŭ jakija vajennyja sajuzy, a Finlandyja stroha vykonvała družalubny da SSSR niejtralitet na praciahu ŭsioj chałodnaj vajny. Pad upłyvam rasijskaj ahresii hramadskaje mierkavańnie ŭ abiedźviuch krainach rezka zrušyłasia ŭ bok ŭstupleńnia ŭ NATA.
Šviedskaja hazieta Aftonbladet na minułym tydni taksama pisała, što Šviecyja moža zaćvierdzić svaju zajaŭku na ŭstupleńnie ŭ NATA da siaredziny červienia, a ŭ kancy taho ž miesiaca jaje mohuć ŭchvalić členy aljansu na svaim samicie ŭ Madrydzie. Pa danych haziety, Finlandyja i Šviecyja raźličvajuć ŭstupić u NATA adnačasova i ciesna kaardynujuć svaje dziejańni.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary