Šviecyja padaść zajaŭku na ŭstupleńnie ŭ NATA da leta. Mahčyma, adnačasova ź Finlandyjaj
Šviedskaja hazieta Svenska Dagbladet paviedamlaje, što kraina płanuje dałučycca da NATA nie paźniej za červień.
«Meta premjer-ministra Mahdaleny Andersan — ustupleńnie Šviecyi ŭ NATA ŭ červieni hetaha hoda», — paviedamlajuć krynicy SvD.
Statsminister Magdalena Anderssons mål är att Sverige går med i Nato i juni i år – partiledningen har bestämt sig, uppger S-källor för SvD.https://t.co/VCsEP0COzB
Pavodle infarmacyi haziety, rašeńnie ŭstupić u NATA pryniataje.
Raniej pra žadańnie ustupleńnia ŭ NATA taksama zajaviła Finlandyja. Premjer-ministr Sana Maryn zajaviła, što parłamient krainy abmiarkuje členstva ŭ NATA ŭžo na nastupnym tydni.
Siońnia premjer-ministry Šviecyi i Finlandyi sustrakajucca.
Raniej krynicy ŭ NATA zajaŭlali, što rašeńnie ab pryjomie dźviuch skandynaŭskich krain moža być pryniataje ciaham niekalkich tydniaŭ paśla padačy imi zajaŭki.
Dałučeńnie Finlandyi i Šviecyi da abaronnaha aljansu — adna sa značnych stratehičnych paraz Rasii.
Maskva pry padtrymcy Łukašenki raźličvała, što joj udascca zachapić Ukrainu «za try-čatyry dni». U realnaści, rasijskija vojski vyjavilisia słabiejšymi, čym ich malavała prapahanda, a supraciŭleńnie ŭkraincaŭ ahresii stała ŭsienarodnym, što sarvała blickryh.
5-miljonnaja Finlandyja i 9-miljonnaja Šviecyja majuć mocnyja, dobra ŭzbrojenyja i samadastatkovyja armii, jakija istotna ŭzmocniać paŭnočny fłanh NATA, što zrobić napad Rasii i režymu Łukašenki na Bałtyju i Polšču jašče mienš imaviernym.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ17
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary