Hienprakuror Švied zajaviŭ pra «vałakitu i biaździejańnie» pry rasśledavańni palityčnych spraŭ
Hienprakuror Andrej Švied na siońniašniaj naradzie ŭ Alaksandra Łukašenki zajaviŭ pra vałakitu pry rasśledavańni spraŭ ab «destruktyŭnaj dziejnaści». Pavodle jaho słoŭ, prakuratura damahłasia admieny tysiačy rašeńniaŭ ab admovie ŭ zaviadzieńni kryminalnaj spravy. Jaho turbuje, što jašče nie ŭsich pryciahnuli da adkaznaści.
Švied narakaje, što pa «ekstremisckich spravach» raskryvalnaść składaje mienš za pałovu. U hetym hučyć namiok na sabataž palityčnych represij śledčymi.
«Vidavočna, što raskryvalnaść tolki pałovy takich złačynstvaŭ vidavočna nie moža być padstavaj dla samazaspakajeńnia. Asabliva turbuje toje, što da ciapierašniaha času nie ŭstanoŭlenyja ŭsie vinavatyja ŭ pryčynieńni cialesnych paškodžańniaŭ supracoŭnikam milicyi, dyviersijach na abjektach transpartu, padpałach budynkaŭ i inšych dziorzkich złačynstvach».
Samyja vialikija prablemy, pa jaho dumku, źviazanyja z rasśledavańniem spraŭ, źviazanych ź internetam, na jakija prypadaje kala 80% «ekstremisckich spraŭ».
«Hetych złačynstvaŭ raskryvajecca jašče mienš. Tamu prakurory ŭsich uzroŭniaŭ štomiesiac praviarajuć efiektyŭnaść pracy orhanaŭ unutranych spraŭ i śledčych padraździaleńniaŭ pa hetym kirunku. Na žal, nami rehularna spyniajucca fakty vałakity i, što bolš za ŭsio turbuje, biaździejnaści. Admianili amal adnu tysiaču niezakonnych rašeńniaŭ ab admovie ŭ zaviadzieńni kryminalnych spraŭ, prypynieńni i spynieńni rasśledavańniaŭ. Jość dziasiatki prykładaŭ, kali tolki paśla ŭmiašańnia prakuratury byli vyjaŭlenyja vinavatyja ŭ ździajśnieńni ekstremisckich złačynstvaŭ, jakija ŭ dalejšym panieśli zasłužanaje pakarańnie», — abaznačyŭ Švied zasłuhu svajho viedamstva.
Čytajcie taksama: U Biełarusi zavodzicca kala 5000 palityčnych kryminalnych spraŭ za hod
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary