«Zmročnamu» amierykancu zładzili na pracy viečarynu, jakoj jon nie chacieŭ. Heta kaštavała pracadaŭcy 450 tysiač dalaraŭ
Supracoŭnik miedycynskaj łabaratoryi ŭ ZŠA vyjhraŭ u sudzie spravu koštam u 450 tysiač dalaraŭ. Heta zdaryłasia paśla taho, jak kalehi zładzili jamu viečarynu-siurpryz, što vyklikała ŭ hieroja niervovy zryŭ, da taho ž jaho zvolnili z pracy.
Kievin Bierlinh pracavaŭ u łabaratoryi Gravity Diagnostics u amierykanskim štacie Kientuki. Praz 10 miesiacaŭ pracy jon źviarnuŭsia da svajho kiraŭnika z prośbaj nie ładzić viečarynu-siurpryz na jaho dzień naradžeńnia. Viečaryny, pra adnu ź jakich idzie havorka, vy mahli bačyć u kino — heta śviata, jakoje rychtujuć tajemna ad samoha vinoŭnika ŭračystaści.
Kalehi Bierlinha praihnaravali jaho prośbu abyścisia bieź viečaryny i zładzili śviatkavańnie. Jany navat padrychtavali adpaviedny płakat, jaki raźmiaścili ŭ pakoi dla piersanału, piša The Times.
Samoha Bierlinha viečaryna nie ŭściešyła. Kali Kievin daviedaŭsia pra jaje, jon syšoŭ z pracy. Zhodna z materyjałami spravy, jon dajeŭ svoj abied u mašynie, a potym napisaŭ paviedamleńnie svajmu kiraŭniku, u jakim paskardziŭsia na situacyju ź viečarynaj.
U nastupny dzień Bierlinh sustreŭsia z dvuma mieniedžarami, jakija pačali jaho paprakać za «zmročnyja pavodziny», u ich prysutnaści u Kievina zdaryłasia paničnaja ataka. Praź niekalki dzion jaho zvolnili z pracy — jak paviedamlajecca ŭ spravie, za «padziei minułaha tydnia». Bierlinh pajšoŭ u sud.
Paśla pracesu, što doŭžyŭsia dva dni, prysiažnyja vynieśli prysud na karyść Kievina.
Ciapier były pracadaŭca pavinien vypłacić jamu 150 tysiač dalaraŭ za zhublenuju pry zvalnieńni zarpłatu i bonusy i jašče 300 tysiač dalaraŭ za maralnuju škodu.
Gravity Diagnostics źbirajecca asprečyć vierdykt u sudzie. Džuli Braził, suzasnavalnica kampanii, uvohule śćviardžaje, što Bierlinha nasamreč zvolnili za parušeńnie pravił pa pieraduchileńni hvałtu na pracoŭnym miescy. Ale advakat Bierlinha ličyć, što jaho klijent nasamreč nie ŭjaŭlaŭ nijakaj pahrozy dla kaleh, a jaho kiraŭniki prosta dazvolili sabie lišnija dapuščeńni ŭ bok supracoŭnika ź psichałahičnymi prablemami.
«Naša Niva» adnaŭlaje zbor danataŭ — padtrymać prosta
Čytajcie taksama:
Ad Saładuchi da Karža. Što biełaruskija sielebryci pościać padčas vajny i jak pra jaje vykazvajucca
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary