Vaŭkavyski pablik raźmiaściŭ foty dyzajnu kabinieta dyrektara miasakambinata ź vializnym partretam Łukašenki. Adminam pahražajuć sudom
Pablik «Vaŭkavysk Anłajn» apublikavaŭ va «UKantakcie» rendary dyzajnu interjeru kabinieta kiraŭnika pradpryjemstva (na vyjavach jość łahatyp Vaŭkavyskaha miasakambinata), jakija apublikavała ŭ siabie ŭ sacsietkach bresckaja studyja dyzajnu «Chamieleon».
U kamientaryjach da naviny ludzi stali aburacca, ubačyŭšy bahaty dyzajn pry nievysokich zarobkach na pradpryjemstvie.
Praź niekatory čas dyzajnierskaja studyja pačała patrabavać ad aŭtaraŭ pablika prybrać fotazdymki, abvinavačvajučy ŭ parušeńni aŭtarskaha prava. Kali fota nie vydalać, adminam pahražajuć sudom i hihanckim štrafam.
«Pytańnie nie ŭ rendary, a ŭ tym, čamu našy hramadzianie nie pavinny viedać košt ramontu kabinietaŭ kiraŭnikoŭ dziaržpradpryjemstvaŭ? Nakolki racyjanalna tracić ź biudžetu takija sumy, kali zarpłata ekśpiedytara hetaha ž pradpryjemstva, naprykład, 700r (250$)? Kabiniety kiraŭnikoŭ dziaržpradpryjemstvaŭ nie źjaŭlajucca sakretnymi abjektami dla padatkapłacielščykaŭ našaj krainy. Nu ci dla studyi heta nie toj prajekt, jakim varta hanarycca?!» — zadajucca pytańniem aŭtary pablika.
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary