U Kazachstanie płanujuć pryniać novyja papraŭki ŭ Kanstytucyju, zhodna ź jakimi pieršy prezident krainy Nursułtan Nazarbajeŭ stracić status i pryvilei Jełbasy — Lidara Nacyi
Pra heta paviedamiŭ śpikier Mažylisa (nižniaj pałaty parłamienta) Jerłan Kašanaŭ, piša Tengrinews.
— Papraŭkami vyklučajecca status Jełbasy. U Kanstytucyi zastajecca rola Nazarbajeva jak zasnavalnika dziaržavy, — zajaviŭ Kašanaŭ.
Taksama śpikier Mažylisa zajaviŭ, što ŭ Kanstytucyi isnuje norma ab eks-prezidentach, — zastaniecca jana i paśla papravak i budzie raspaŭsiudžvacca ŭ tym liku na pieršaha prezidenta.
Kašanaŭ padkreśliŭ, što pakul nie pryniataje kankretnaje rašeńnie ab tym, jak mienavita buduć pryniatyja kanstytucyjnyja papraŭki — šlacham refierendumu abo praz parłamient.
Jon udakładniŭ, što Nursułtan Nazarbajeŭ na padstavie zakona ab byłych prezidentach budzie atrymlivać piensiju, dziaržaŭnaje zabieśpiačeńnie i abaronu honaru i hodnaści. Tym nie mienš norma ab tym, što pieršaha prezidenta i bližejšych členaŭ jaho siamji nielha pryciahvać da kryminalnaj adkaznaści, budzie vyklučanaja.
Nazarbajeva paśla studzieńskich pratestaŭ ssunuli z pasady lidara praŭładnaj partyi «Nur Atan», a jaho dačku vyklučyli z palitrady.
-
Maładoha błohiera i zachavalnika archiva Kličaŭskaha krajaznaŭčaha muzieja asudzili za «sadziejničańnie ekstremisckaj dziejnaści»
-
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju
-
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju4
Kamientary