Hramadstva

Alaksiej Tałaj naviedaŭ akupavanyja Danieck i Vałnavachu. Pryvioz ściah SSSR

Biełaruski paralimpijec, prychilnik Alaksandra Łukašenki pajechaŭ u zaniatyja rasijskimi vojskami rajony Ukrainy.

«DNR — Donieck siehodnia. My potomki Pobieditielej! Fłah SSSR privieźli iz Biełarusi — Minsk», — z takim podpisam źmiaściŭ hetaje fota ŭ siabie ŭ telehram-kanale spartoviec-paralimpijec Alaksiej Tałaj.

U inšych pastach jon paviedamlaje pra sustrečy z «ministram #MNS DNR» dy inšyja vizity.

«Byli na adkryćci dziciačaha sadka ŭ Vałnavasie, jakomu adnavili vokny, dach i razburanyja kamunikacyi.

U Daniecku sustreŭsia ź dziećmi-sirotami z Maryupala.

Małyja abdymali mianie i vyvučali maje kuksy noh i ruk, hładzili mianie i dzivilisia! — raskazvaje Tałaj, jaki staŭ invalidam u 16 hadoŭ. — Razam z arhanizacyjaj «Delfiny», miascovym baciuškam ajcom Dźmitryjem pryvieźli padarunki ŭsim dzieciam.

Tam ža naviedali paranienych sałdat u Danieckaj balnicy!» — praciahvaje Tałaj.

Jon taksama sustreŭsia z kursantami Kadeckaha korpusa imia Zacharčanki i vystupiŭ u prapahandysckich telepieradačach.

U Biełarusi Tałaj aktyŭna padtrymlivaŭ Alaksandra Łukašenku, u tym liku i paśla vybaraŭ 2020 hoda i zabojstva Ramana Bandarenki.

U 2014 hodzie rasijskija siły zaniali Krym i ŭschodnija rajony Danbasa. U lutym 2022 hoda Rasija napała na Ukrainu ŭ spadziavańni dałučyć da Rasii novyja terytoryi, ale sutyknulisia z upartym supracivam ukraincaŭ. Rajcentr Vałnavacha rasijskim vojskam udałosia ŭziać tolki na 16-y dzień vajny, pry hetym horad byŭ zrujnavany. 

«Paznajomiŭsia z novym kiraŭnikom Vałnavachi — sapraŭdny mužčyna i kiraŭnik!» — havoryć Tałaj pra kiraŭnika akupacyjnaj administracyi, pryznačanaha rasijanami zamiest zakonna abranaha hałavu miascovaha samakiravańnia.

Vałnavacha paśla zachopu rasijskaj armijaj. Fota z th-kanała Alaksieja Tałaja

Kamientary

Ciapier čytajuć

Polšča adkryvaje miažu ź Biełaruśsiu60

Polšča adkryvaje miažu ź Biełaruśsiu

Usie naviny →
Usie naviny

Na vulicy Karła Marksa ŭ Minsku pradajuć jarkuju stalinku. Kvadrat kaštuje bolš za $4400

Minčanka pradała mašynu za 900 rubloŭ, a praz čatyry hady daviedałasia pra doŭh 6000 rubloŭ4

Nvidia damoviłasia inviestavać da $100 młrd u ChatGPT — kampanii płanujuć stvaryć supierintelekt2

«Na prabiehu 40—55 tysiač pačynajuć praharać kłapany». Biełarusy pra dośvied karystańnia Geely10

Jak Stakholm pieramoh zatory biez abureńnia žycharoŭ8

«Załaty miač» atrymaŭ francuzski napadnik Usman Dembiele

Aeraporty Danii i Narviehii prypyniali pracu praz źjaŭleńnie vialikich dronaŭ9

Pucin daŭ rasijskaje hramadzianstva byłoj pamočnicy Bajdena7

Čynoŭnik ad turyzmu narakaje, što ŭ Biełarusi vielmi kiepskija hateli2

bolš čytanych navin
bolš łajkanych navin

Polšča adkryvaje miažu ź Biełaruśsiu60

Polšča adkryvaje miažu ź Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić