Były śpiecnazaviec. Kim byŭ rotny «Vołat» z bataljona Kalinoŭskaha
Paŭła «Vołata» — kamandzira roty bataljona Kastusia Kalinoŭskaha, jaki zahinuŭ, abaraniajučy Ukrainu — nazyvajuć vajarom-lehiendaj. Jon šmat razoŭ byŭ paranieny, ale jamu ŭdavałasia vystajać. Što viadoma pra hetaha biełaruskaha bajca?
Intervju z «Vołatam» u 2018 hodzie publikavaŭ «Biełsat». U im chłopiec raskazvaŭ, što ŭ 18 hadoŭ jaho pryzvali na terminovuju słužbu ŭ rotu vyviedki 3-j bryhady śpiecnaza (vajskovaja čaść 3214).
«Tam ja sustreŭ absalutna prarasiejskuju ideałahičnuju padrychtoŭku, — zhadvaŭ Pavieł, jaki cikaviŭsia vajennaj historyjaj. — Pryčym adkryta prarasiejskija nastroi byli i ŭ aficeraŭ, u kamandavańnia, i ŭ kantraktnikaŭ, jakija tam słužać. Pačatak majoj słužby supaŭ z padziejami ŭ Krymie i na Danbasie — dyk prykładna 70% u našaj čaści hučna padtrymlivali Rasieju, astatnim było abo abyjakava, abo ŭ pryvatnych razmovach niekatoryja sasłužyŭcy mahli skazać, što Ukraina nasamreč maje racyju».
Paśla słužby jon hod pracavaŭ achoŭnikam, ale zaŭždy chacieŭ pabyvać na vajnie.
«Asabliva, kali hetaja vajna zakranaje i intaresy Biełarusi ŭ peŭnym sensie. Chaciełasia zrabić niešta hodnaje, niešta vartaje», — tłumačyŭ «Vołat».
U 2016 hodzie jon pajechaŭ na Danbas, dałučyŭsia da 1-j šturmavoj roty «Pravaha siektara». Tydzień pravioŭ na padrychtoŭčaj bazie, a potym adrazu na pieradavuju liniju frontu. Pieršyja bajavyja pazicyi — Pieski, paźniej — Aŭdziejeŭka i vakolicy. Chłopiec udzielničaŭ u bajach uzimku 2017-ha, padčas abvastreńnia pad Aŭdziejejkaj. Raskazvaŭ, što siarod tych, chto vajavaŭ na baku «DNR», byli byłyja śpiecnazaŭcy ź Biełarusi.
U sakaviku 2018 hoda Pavieł padpisaŭ kantrakt z Uzbrojenymi siłami Ukrainy. Jaho nakirunkam była vyviedka, dyviersijnaja dziejnaść. Davodziłasia vykonvać roznyja zadačy — ad zachodu na niepadkantrolnuju terytoryju i likvidacyi praciŭnika da zboru infarmacyi i nazirańnia za pazicyjami bajevikoŭ.
«Ščyra kažučy, ja nie dumaju, što viarnusia da mirnaha žyćcia, — kazaŭ Pavieł tady, jašče nie viedajučy svajho losu. — Vajna — heta ŭžo, chiba, nazaŭždy. Chacieŭ by pabačyć svajakoŭ, pryjechać u Biełaruś na miesiac — ale takoje budzie mahčyma, viadoma, tolki paśla źmieny ŭłady.
Kali ŭ Biełarusi pačniecca padobny kanflikt, to ŭsio, ja dumaju, budzie raźvivacca pa bolš sumnym scenary. I, naturalna, ja viarnusia ŭ vypadku rasiejskaj ahresii i pasprabuju choć niešta zrabić sa svajmi navykami».
Śmiarotna paranieny, zastaŭsia prykryvać svaich. Chto taki biełarus «Tur», zabity pad Kijevam
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu10
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary