Minabarony Rasii: Na zavodzie «Azoŭstal» zdalisia ŭ pałon 959 ukrainskich vajskoŭcaŭ
Rasijskaje Minabarony śćviardžaje, što za dva dni z terytoryi zavoda «Azoŭstal» u Maryŭpali vyjšli i zdalisia ŭ pałon 959 ukrainskich vajskoŭcaŭ, u tym liku 80 paranienych.
Raniej paviedamlałasia, što bolš za 300 ukrainskich vajskoŭcaŭ, jakija zmahalisia za apošni apłot abarony Maryupala, byli za apošnija sutki pieraviezienyja ŭ byłuju papraŭčuju kałoniju ŭ padkantrolny Rasii pasiołak Alenieŭka pad Danieckam.
Mierkavałasia, što paranienyja trapiać u špital i atrymajuć nieabchodnuju miedycynskuju dapamohu, dziela jakoj jany pahadzilisia na evakuacyju z «Azoŭstali», dzie znachodzilisia apošnija dva miesiacy.
Razam z tym daradca mera Maryupala Piotr Andruščanka nazyvaŭ kałoniju ŭ Alenieŭcy «sapraŭdnym kancentracyjnym łahieram XXI stahodździa, stvoranym Rasijaj u centry Jeŭropy».
Ludziej, pavodle jaho słoŭ, tam trymajuć u žachlivych umovach, kormiać nie kožny dzień, miedycynskuju dapamohu nie akazvajuć. «Tam utrymlivajucca rodnyja vajskoŭcaŭ, byłyja rabotniki pravaachoŭnych orhanaŭ, aktyvisty, žurnalisty i ludzi, jakija prosta vyklikali padazreńnie (uklučajučy prosta najaŭnaść patryjatyčnych tatuirovak)», — raspavioŭ Andruščanka.
Kamientary