Byłoha kanclera FRH Hiercharda Šrodera pazbavili častki pryvilejaŭ z-za suviaziaŭ z Rasijaj
Bundestah pazbaviŭ byłoha kanclera Niamieččyny Hiercharda Šrodera častki pryvilejaŭ, jakimi paśla adstaŭki karystajucca kiraŭniki ŭrada.
U pryvatnaści, u Šrodera bolš nie budzie ofisa ŭ parłamiencie i supracoŭnikaŭ, jakija apłačvajucca za košt biudžetu.
Jak adznačaje Bild, farmalnaj pryčynaj takoha rašeńnia było nazvana toje, što były kancler nie vykarystoŭvaje dastupnyja jamu pamiaškańni i staŭki supracoŭnikaŭ. Pry hetym, piša vydańnie, deputaty bundestaha niezadavolenyja ciesnymi suviaziami Šrodera z Rasijaj, jaho navat abvinavačvajuć u naniasieńni škody reputacyi Niamieččyny na mižnarodnaj arenie.
Prava na piensiju Šrodera pakul nie pazbavili, choć jaho paplečniki pa sacyjał-demakratyčnaj partyi i schilajucca da takoha varyjantu. Taksama byłomu kancleru pa-raniejšamu buduć zabiaśpiečvać achovu.
Jeŭraparłamient amal adnačasova z pastanovaj ab pazbaŭleńni Šrodera častki pryvilejaŭ prahałasavaŭ za ŭniasieńnie byłoha kanclera FRH u sankcyjny śpis. Sankcyi nakładvaje nie Jeŭraparłamient, ale, jak piša Bild, adpaviednaja rezalucyja moža paŭpłyvać na farmavańnie sankcyjnaha śpisu.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie6
Kamientary