Dla novaha rajona pradumana i novaja schiema raźmiaščeńnia asabistaha aŭtatranspartu.
Kamiennaja Horka moža stać samym vialikim žyłym rajonam Minska: tut płanujecca pabudavać amal 2 młn kv.m žylla. Pra heta paviedamili ŭ AAT «MAPID», jakoje ŭžo ŭviało tut u ekspłuatacyju bolš jak dziesiać žyłych damoŭ.
Architektary prapanujuć stvaryć u Kamiennaj Horcy ansambl ź piaci mikrarajonaŭ. Asnovu zabudovy składuć damy vyšynioj u 9 i 16 pavierchaŭ. Upryhožyć rajon hrupa 9‑ i 18‑paviarchovych damoŭ, pabudavanych pa indyvidualnych prajektach.
Pry hetym damy ŭzvodziacca hrupami, tym samym stvarajecca adzinaja dvarovaja prastora, na jakoj možna arhanizavać paŭnacennuju dziciačuju placoŭku, miesca adpačynku. Dla novaha rajona pradumana i schiema raźmiaščeńnia asabistaha aŭtatranspartu. Mašyny možna budzie parkavać pa pierymietry kožnaha kvartała, a nie ŭ dvarach. Dla hetaha ŭ kožnym ź piaci mikrarajonaŭ arhanizujuć da tysiačy mašynamiesc.
Architekturnym upryhažeńniem Kamiennaj Horki stanie zialonaja zona ŭ formie padkovy. Jana pralaža praz usie mikrarajony. Mienavita tut prapišucca škoły (pa płanie 11 škoł), dziciačyja sady (18), spartyŭnyja i dziciačyja placoŭki.
A ŭ centry Kamiennaj Horki zaprajektavany miascovy rynak, pradpryjemstvy bytavoha absłuhoŭvańnia, FAK z basiejnam, zapłanavany kinateatr, muzyčnaja škoła, restaran i kafe, biblijateka, maładziožna‑zabaŭlalny centr i inšyja abjekty.
Kamientary