Rasijskija vojski kantralujuć bolšuju častku Sievieradaniecka, u horadzie bai
Bolšuju častku Sievieradaniecka na Łuhanščynie kantralujuć rasijskija vojski, ale ryzyki atačeńnia bajcoŭ USU pakul niama, skazaŭ kiraŭnik Łuhanskaj abłasnoj vajennaj administracyi Siarhiej Hajdaj u efiry Radyjo Svaboda ŭ aŭtorak viečaram.
«Bai ŭžo iduć usiaredzinie horada. Rasijskija vojski kantralujuć bolšuju častku horada. Ale što da taho, što dzieści buduć akružanyja našy vajskoŭcy… takoha nie adbudziecca.
Jość mahčymaść manieŭravać. Vajskoŭcy spakojna trymajuć abaronu na tych pazicyjach, jakija zajmajuć ciapier».
Hajdaj taksama raskazaŭ, što ŭ horadzie paškodžana kala 90% usich damoŭ, ź ich 60% adnaŭleńniu amal nie padlahajuć. Taksama całkam razburanaja krytyčnaja infrastruktura, centralnaha zabieśpiačeńnia vady, hazu abo elektraenierhii niama.
Evakuacyja z horada ciapier praktyčna niemahčymaja, humanitarnaja dapamoha taksama nie zavozicca. «Zaraz padvieźci humanitarnyja hruzy ŭ horad niama mahčymaści, tamu što bai iduć ŭsiaredzinie. Tamu ja i zaklikaju miascovych žycharoŭ, kab jany chavalisia ŭ schovišča. Zaraz ź Sievieradaniecka niama nijakaj mahčymaści vyjechać. Z peŭnaj častki, jakuju kantralujuć ukrainskija vojski — mahčyma, ale heta vielmi ryzykoŭna. Šancy vyrvacca vielmi maleńkija. Tamu ryzykavać žyćciom ludziej prosta niama sensu», — adznačyŭ kiraŭnik AVA.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary