«Škada dziaŭčynku». Łukašenka ličyć mahčymym pieradać Safiju Sapiehu ŭ Rasiju
Alaksandr Łukašenka ličyć mahčymym pieradać asudžanuju na šeść hadoŭ kałonii Safiju Sapiehu ŭ Rasiju. Pra heta jon zajaviŭ žurnalistam u Minsku, piša BiełTA.
«Škada dziaŭčynku. Treba hetaje pytańnie vyrašać», — skazaŭ jon.
Łukašenka adznačyŭ, što, uličvajučy rasijskaje hramadzianstva Sapiehi, jość mahčymaść pieradać jaje ŭ Rasiju. «Jana ž rasijanka… U nas jość praktyka. My možam rasijskaha hramadzianina pieradać u Rasiju. Niachaj jana tam adbyvaje termin. Ci jany što chočuć, tam robiać. Dumaju, dla jaje vialikaja navuka», — zajaviŭ jon.
Safiju Sapiehu pryznali vinavataj pa č. 3 art. 130 i č. 1 art. 179 (niezakonnyja zbor abo raspaŭsiudžvańnie źviestak ab pryvatnym žyćci, jakija składajuć asabistuju abo siamiejnuju tajamnicu inšaj asoby, bieź jaje zhody, jakija pryviali da pryčynieńnia škody pravam, svabodam i zakonnym intaresam paciarpiełych) i 6 maja asudzili da šaści hadoŭ kałonii. Abarona nie stała abskardžvać prysud, i jon ustupiŭ u zakonnuju siłu.
Dziaŭčyna była zatrymanaja 23 maja 2021 hoda razam z Ramanam Pratasievičam u vyniku pasadki ŭ Minsku rejsa Afiny — Vilnia.
Čytajcie taksama:
Sapiehu adpraŭlajuć u kałoniju na 6 hadoŭ, niahledziačy na supracu jaje i Pratasieviča sa śledstvam
Safija Sapieha nie stała abskardžvać prysud
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Kamientary