Litoŭskaja pošta vypuściła marku z «Bajraktaram» i zaklikała kleić jaje na listy Makronu i Šolcu
Pošta Litvy pačała prodaž marki z vyjavaj BPŁA Bayraktar, na jaki žychary krainy niadaŭna źbirali srodki z metaj dapamahčy ŭkrainskaj armii. A kleić jaje rekamienduje pieradusim na kanvierty ź listami suśvietnym lidaram, u tym liku niamieckamu kancleru Ołafu Šolcu i francuzskamu prezidentu Emaniuelu Makronu, piša «Ukrainskaja praŭda».
Litoŭskaja pošta vypuściła hetuju marku, kab adznačyć dabračynnuju akcyju pa nabyćci «Bajraktara» dla Uzbrojenych siłaŭ Ukrainy, jakuju praviali pa inicyjatyvie litoŭskaha žurnalista Andrusa Tapinasa.
Na praciahu troch dzion žychary Litvy sabrali bolš za 6 miljonaŭ jeŭra, kab kupić turecki bieśpiłotnik i pieradać jaho ŭ USU.
Tapinas taksama padtrymaŭ zaklik Litoŭskaj pošty pisać listy z hetaj markaj u kiraŭničyja ŭstanovy ES, kiraŭnictva mižnarodnych arhanizacyj i lidaraŭ jeŭrapiejskich krain z zaklikam bolš aktyŭna padtrymlivać Ukrainu i davać joj zbroju. Napisaŭ jon listy da Makrona dy Šolca i sam, padkreśliŭšy, što hramadskaść budzie vymušana sama akazvać vajennuju dapamohu Ukrainie, kali hetyja lidary nie mohuć na heta navažycca z-za žadańnia damovicca z Rasijaj.
Pałova srodkaŭ ad prodažu marki pieraličvajecca litoŭskaj poštaj na humanitarnuju dapamohu Ukrainie.
Kamientary