Recept na vychadnyja. Dyjetyčnyja čyzkiejki — takija lohkija i prostyja ŭ hatavańni
U hetych mini-čyzkiejkach niama zvykłaha piasočnaha ciesta i hustych viarškoŭ, ale heta nie robić ich horšymi za tradycyjny čyzkiejk. Upryhožcie ich śviežymi jahadami — i vy atrymajecie cudoŭny i lohki letni desiert.
Fota: BBC Food
Kab zhatavać dyjetyčnyja mini-čyzkiejki, vam spatrebicca:
- 1 stałovaja łyžka rapsavaha aleju + alej dla zmazvańnia form,
- 60 hramaŭ miodu,
- 120 hramaŭ aŭsianych šmatkoŭ,
- pałova čajnaj łyžki mołataj sumiesi śpiecyj dla vypiakańnia,
- 300 hramaŭ abiastłuščanaha hrečaskaha johurtu,
- 300 hramaŭ śmietankovaha syru z panižanym pracentam tłustaści,
- 2 čajnyja łyžki vanilnaha ekstraktu ci adpaviednaja kolkaść vanilinu ŭ inšaj formie,
- cedra pałovy limona,
- 1 stałovaja łyžka biełaha cukru ci padsałodžvalnika (naprykład, stevii),
- 1 stałovaja łyžka tryśniahovaha cukru,
- 1 stałovaja łyžka kruchmału,
- 2 jajki,
- 120 hramaŭ kłubnic (treba ich vymyć, vydalić ź ich pładanožki i razrezać kožnuju jahadu na 4 častki).
- Razahrejcie duchoŭku da 170 hradusaŭ. Padrychtujcie formu dla kieksaŭ z 12 vyjemkami i zmažcie jaje alejem.
- Pakładzicie 1 stałovuju łyžku aleju i miod u saciejnik i razahravajcie sumieś, pakul jana nie stanie ciopłaj i vadkaj. Źnimicie saciejnik z ahniu i dadajcie ŭ sumieś šmatki i śpiecyi, pieramiešvajcie, pakul sumieś nie stanie adnarodnaj. Raskładzicie sumieś u vyjemki ŭ formie i pryciśnicie jaje, kab atrymałasia ćviordaja asnova dla čyzkiejkaŭ. Adstaŭcie ŭbok.
- U vialikaj miscy źmiašajcie johurt, syr, vanilny ekstrakt, cedru, dva vidy cukru i kruchmał. Dadajcie ŭ sumieś jajki i pieramiašajcie ŭsio da adnastajnaści. Raŭnamierna raskładzicie krem na aŭsianuju asnovu ŭ formy.
- Vypiakajcie čyzkiejki 15 chvilin abo pakul krem nie pačnie krychu zastyvać (u vyniku vierchni słoj pavinien krychu kałychacca). Adstaŭcie čyzkiejki ŭbok, kab jany astudžalisia pry chatniaj tempieratury.
- Akuratna dastańcie čyzkiejki z formaŭ i ŭpryhožcie ich kłubnicami. Adrazu ž padavajcie ich abo pierakładzicie ŭ chaładzilnik i zachoŭvajcie ŭ zakrytaj jomistaści da troch dzion.
Recept na vychadnyja. Kurynaja pikata — sakavitaje miasa z syram i travami
Recept na vychadnyja. Anhlijskija aładki piklety — novy varyjant smačnaha śniadanka
Ciapier čytajuć
Łosik raskazaŭ, jak Babaryku katavali ŭ navapołackaj kałonii15
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary