Prezident Turcyi Redžep Taip Erdahan paviedamiŭ, što nazva tureckaj nacyjanalnaj avijakampanii na samalotach ciapier budzie padpisanaja pa-turecku — Türkiye Hava Yolları. Hety krok źjaŭlajecca praciaham palityki Ankary pa prasoŭvańni na mižnarodnaj arenie nazvy Türkiye zamiest anhłamoŭnaha varyjanta Turkey, paviedamlaje RBK.
«Turkey bolš niama, jość Türkiye. Z hetaha času na fiuzielažy našych samalotaŭ my budziem pisać Türkiye Hava Yolları zamiest Turkish Airlines», — skazaŭ prezident padčas cyrymonii, pryśviečanaj zapusku ŭ kosmas novaha spadarožnika Türksat 5B.
Rašeńnie ab rebrendynhu było pryniata ŭ ramkach palityki pa pryznańni krainy na mižnarodnaj arenie jak Türkiye, a nie Turkey, padkreśliŭ Erdahan.
U kancy 2021 hoda ŭ ramkach hetaj kampanii byŭ pierajmienavany ekspartny brend krainy: ahulny brend tureckaj pradukcyi źmianiŭsia z Made in Turkey na Made in Türkiye.
U pačatku červienia AAN uchvaliła prośbu MZS Turcyi źmianić nazvu dziaržavy z raniejšaha Turkey na Türkiye.
Avijakampanija Turkish Airlines była stvoran ŭ 1933 hodzie i pieršapačatkova nazyvałasia dziaržaŭnaj avijacyjnaj administracyjaj.
U 1955 hodzie kampanija stała nazyvacca Türk Hava Yolları, takaja nazva nanosiłasia na jaje samaloty. U tym ža hodzie avijakampanija stała členam Mižnarodnaj asacyjacyi pavietranaha transpartu (IATA).
Pavodle źviestak avijapieravozčyka, u 2019 hodzie avijakampanija pieraviezła 74,3 młn pasažyraŭ.
Ciapier čytajuć
Babaryka: Kali b my pieramahli — vajny va Ukrainie nie było b10
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary