Namieśnik kiraŭnika Savieta Biaśpieki Rasii Dźmitryj Miadźviedzieŭ vykazaŭ sumnieŭ, što Ukraina budzie isnavać praz dva hady, a kiraŭnik Raskosmasu nazvaŭ Ukrainu pahrozaj dla rasijskaj cyvilizacyi.
«Bačyŭ paviedamleńnie, što Ukraina pa lend-lizie choča atrymać ad svaich zaakijanskich haspadaroŭ SPH z apłataj pastaŭki praz 2 hady. Inakš budučaj zimoj prosta zamierźnie.
Tolki pytańnie. A chto skazaŭ, što praz dva hady Ukraina naohuł budzie isnavać na karcie śvietu? Choć amierykancam užo ŭsio roŭna — jany nastolki ŭkłalisia ŭ prajekt «anty-Rasija», što ŭsio astatniaje dla ich drobiaź…» ‒ napisaŭ Dźmitryj Miadźviedzieŭ u telehram-kanale.
Kiraŭnik Raskosmasu Dźmitryj Rahozin vykazaŭsia ŭ Tvitary.
«Naohuł toje, što źjaviłasia na miescy Ukrainy, ujaŭlaje saboj ekzistencyjalnuju pahrozu ruskamu narodu, ruskaj historyi, ruskaj movie i ruskaj cyvilizacyi. Kali nie skončym ź imi, jak, na žal, nie skončyli ź imi našy dziady, pryjdziecca hinuć, ale zakančvać jašče bolšaj canoj našym unukam. Tamu davajcie lepš my z hetym skončym. Raz i nazaŭždy. Dziela našych unukaŭ», — napisaŭ Rahozin.
«Što Rasija pavinna zrabić z Ukrainaj». Rasijskaje dziaržahienctva apublikavała prahramny artykuł
Ciapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi1
Kamientary