U Łatvii vyjavili sotni sprobaŭ abychodu sankcyj suprać Biełarusi i Rasii
Słužba dziaržaŭnych dachodaŭ Łatvii vyjaviła bolš za 400 sprob abychodu sankcyj, jakija Jeŭrasajuz uvioŭ u dačynieńni da Biełarusi i Rasii. Pra heta raskazała hienieralny dyrektar Słužby dziaržaŭnych dachodaŭ Ijeva Jaunziemie, pišuć «Biełorusy i rynok». Viadoma, što ŭ dziesiaci vypadkach zaviedzienyja kryminalnyja spravy.
Jaunziemie patłumačyła, što ŭ asnoŭnym hetyja vypadki tyčacca tavaraŭ, uklučanych u sankcyjnyja śpisy jak zabaronienyja dla ŭvozu. Adznačajecca, što siarod vyjaŭlenych parušeńniaŭ mnohija źviazanyja z padrobkaj damoŭ.
Abmiežavańni Jeŭrasajuza dazvalajuć uvozić tavary, kali dziejnaja damova była zaklučanaja da ŭviadzieńnia sankcyj. Tamu dakumienty padrablajucca šlacham źmieny terminu ich dziejańnia.
Na pytańnie ab tym, chto ździajśniaje parušeńni — łatvijskija kampanii ci pastaŭščyki z Rasijskaj Fiederacyi i Biełarusi, kiraŭnik Słužby dziarždachodaŭ adkazała, što heta nie tak prosta vyznačyć, bo łancužok doŭhi, u im udzielničajuć zamoŭca, pastaŭščyk i pieravozčyk.
«Kiroŭca hruzavika nie viedaje, ci ŭvachodziać tavary, jakija jon viazie, u śpis sankcyj, ci nie, tamu adkaznaść kładziecca na zamoŭcu i pastaŭščyka, jakija, napeŭna, spadziajucca na toje, što kankretny hruz nie zaŭvažać», — adznačyła Ijeva Jaunziemie.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary