Minabarony abviaściła mabilizacyjnaje vučeńnie ŭ Homielskaj vobłaści
Z 22 červienia pa 1 lipienia 2022 hoda ŭ adpaviednaści z płanam padrychtoŭki Uzbrojenych Sił pravodzicca mabilizacyjnaje vučeńnie z vajennymi kamisaryjatami Homielskaj vobłaści, paviedamlaje presavaja słužba Minabarony. Mabilizavanych nie buduć adpraŭlać u vojska, ale ŭ vučeńniach prymuć udzieł siły śpiecyjalnych apieracyj «dla stvareńnia abstanoŭki, nabližanaj da realnaj».
Pavodle jaho, vučeńnie pravodzicca štohod. Letaś anałahičnaje vučeńnie było praviedzienaje z vajennymi kamisaryjatami Mahiloŭskaj vobłaści. Meta vučeńniaŭ — «pravieryć hatoŭnaść vajennych kamisaryjataŭ vykonvać zadačy pa pryznačeńni».
U chodzie vučeńnia buduć adpracoŭvacca pytańni pa daŭkamplektavańni vajennych kamisaryjataŭ šlacham pryzyvu vajennaabaviazanych zapasu. Za čas znachodžańnia na zborach z vajskoŭcami praviaduć zaniatki.
Taksama padčas vučeńnia praduhledžanaje vykanańnie vajennymi kamisaryjatami mierapryjemstvaŭ pa apaviaščeńni i padačy vajennaabaviazanych na punkty adpraŭki ŭ voinskija častki. Paśla farmavańnia adpaviednych kamand, vajennaabaviazanyja buduć adpraŭlenyja pa miescy žycharstva, takim čynam budzie pravieranaje pytańnie kantrolnaha apaviaščeńnia.
«Dla stvareńnia abstanoŭki, nabližanaj da realnaj, padčas vučeńniaŭ spłanavany ŭdzieł padraździaleńniaŭ sił śpiecyjalnych apieracyj Uzbrojenych sił».
Adjezd mabilizavanych u vajskovyja čaści nie płanujecca. Pryzvanyja na navučalnyja zbory vajennaabaviazanyja buduć udzielničać u mabilizacyjnym vučeńni ŭ składzie vajennych kamisaryjataŭ.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary