Biełaruskim žančynam dazvolili kiravać hruzavikami i mižnarodnymi aŭtobusami. I nie tolki
U Biełarusi skaracili śpis rabot, jakimi nie mohuć zajmacca žančyny. Pieralik pamienšyli ŭ dva razy — sa 181 da 88 pazicyj, piša «Jeŭraradyjo».
Z hetaha času žančyny mohuć pretendavać na pracu ŭ liciejnym cechu, kiravać hruzavikami i mižharodnimi pasažyrskimi aŭtobusami. Častka raniej zabaronienych rabot źnikła sa śpisa, bo jany zrabilisia nieaktualnymi.
Pry hetym žančyn pa-raniejšamu nie voźmuć na pracu, kali jana źviazanaja z padymańniem i pieramiaščeńniem ciažaraŭ uručnuju. Taksama ich nielha pryciahvać da hornych i zvaračnych rabot, rabot pa tušeńni pažaraŭ i niekatorych inšych.
Miarkujecca, što skaračeńnie śpisa dazvolić pašyryć mahčymaści žančyn u vybary prafiesii i koła rabot, havorycca ŭ pastanovie Ministerstva pracy i sacyjalnaj abarony. Pastanova Minpracy ŭstupaje ŭ siłu z 24 červienia 2022 hoda.
U siecivie žartujuć, što zastajecca jašče adna praca, na jakuju nie moža pretendavać žančyna ŭ Biełarusi, heta pasada prezidenta.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski28
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary