Rasija nie moža i nie pavinna vyjhrać vajnu, zajaviŭ prezident Francyi Emanuel Makron na pres-kanfierencyi pa vynikach samitu «Vialikaj siamiorki» ŭ Bavaryi.
«Naša padtrymka Ukrainy i našy sankcyi suprać Rasii buduć zachoŭvacca da taho času, pakul heta nieabchodna, i z toj intensiŭnaściu, jakaja nieabchodnaja, u bližejšyja tydni i miesiacy», — zajaviŭ jon.
Havoračy ab imknieńni prezidenta Ukrainy Uładzimira Zialenskaha spynić vajnu va Ukrainie da kanca hoda, Makron adkazaŭ: «Nichto nie razhladaje pytańnie ab zakančeńni vajny ŭ bližejšyja tydni ci miesiacy». Jon vykazaŭ nadzieju, što vychad z vajny budzie znojdzieny da kanca hoda, ale tolki pry ŭmovie, što «Rasija nie moža i nie pavinna pieramahčy».
Francuzski lidar admoviŭsia nazyvać Rasiju «dziaržavaj, jakaja spansuje teraryzm», da čaho raniej zaklikaŭ Zialenski.
U toj ža čas Makron nazvaŭ rasiejski rakietny ŭdar pa ŭkrainskim handlovym centry «vajskovym złačynstvam».
Kamientary