Minskaje «Dynama» vyjšła na čystaje 2-je miesca ŭ čempijanacie. A supiernik BATE pa Lizie Jeŭropy «Bienfika» razhramiła ŭ haściach «Bielenienseš» - 0:4. U minułym tury arły vyjhrali ź likam 8:1.
Barysaŭski BATE atrymaŭ valavuju pieramohu ŭ Breście – 2:1, na hoł Ramana Vasiluka ź pienalci (36-ja chvilina) piacirazovy čempijon adkazaŭ hałami Alaksandra Paŭłava na 64-j i 82-j chvilinie.
Minskaje «Dynama» vyjhrała ŭ «Niomana» 2:0 i vyjšła na čystaje 2-je miesca, a mahiloŭski «Dniapro» – na 3-je miesca, abyhraŭšy na svaim poli «Naftan» – 2:1.
MTZ-RIPA prajhraŭ u Žodzinie «Tarpiedu» – 1:2 i tryvała asieŭ na pieradapošnim miescy ŭ čempijanacie. A voś «Viciebsk», naadvarot, pakinuŭ zonu vyletu, zabiŭšy aŭtsajderu «Smarhoni» try miačy ŭ haściach – 0:3.
Inšyja vyniki:
«Minsk» – «Hranit» – 1:0, «Smarhoń» – «Viciebsk» – 0:3, «Homiel» – «Šachcior» – 2:1, «Tarpieda» Žodzina – MTZ-RIPA – 2:1.
Turnirnaje stanovišča paśla 18 turaŭ:
BATE – 41, «Dynama» Minsk – 31, «Dniapro» – 29;
«Naftan», «Šachcior», «Tarpieda» – 28, «Nioman» – 27, «Homiel» – 25, «Minsk» – 23, «Dynama» Brest, «Viciebsk» – 22;
«Hranit» – 20, MTZ-RIPA – 16, «Smarhoń» – 8.
BATE i «Smarhoń» praviali na hulniu mieniej. Da kanca čempijanatu zastałosia vosiem turaŭ.
***
Nahadajem, što ŭ čaćvier, 17 vieraśnia, BATE ŭ Lisabonie, na «Eštadziu da Łuš» zhulaje ŭ pieršym tury hrupavoha turniru Lihi Jeŭropy z tamtejšaj «Bienfikaj».
Lisaboncy ŭ niadzielu ŭ tury čempijanatu Partuhalii hulali ŭ haściach z «Bieleniensešam» i upeŭniena vyjhrali ź likam 4:0.
Vyznačylisia Chaŭjer Savijoła, Oskar Kardoza, Chavi Harsija dy Ramires. U minułym tury, 31 žniŭnia, «Bienfika» vyjhrała ŭ «Vitoryi» z Setubała ź likam 8:1.
Paśla čatyroch turaŭ «arły» razam z «Portu» majuć pa 10 bałaŭ i dzielać druhi radok u čempijanacie Partuhalii.
Na pieršym miescy idzie kamanda ź nieadnaznačnaj dla biełaruskaha serca nazvaj - «Braha».
***
Inšy supiernik BATE pa Lizie Jeŭropy livierpulski «Eviertan» (ź im BATE hulaje 1 kastryčnika ŭ Minsku) prajhraŭ u niadzielu ŭ haściach łondanskamu «Fułchemu» ź likam 1:2.
Pryčym «Eviertan» spačatku adkryŭ lik (na 33-j chvilinie vyznačyŭsia aŭstralijec Cim Kechiłł, ale potym prapuściŭ dva miačy ad Kančeski i Damjena Dafa). Kłub zastajecca na 18-m miescy ŭ turnirnaj tablicy.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary